Ke Hānai Nei ʻO UH I Nā Iʻa Ma Mānoa E Māhuahua Ai Ko Ჹɲʻ ʻOihana Mahi Iʻa
Na kekahi kūkulu hou e hoʻoikaika i nā iʻa ma nā loko iʻa Ჹɲʻ.
Kā ka luna hoʻoponopono nota: Unuhi ʻia na Ākea Kahikina.here to read this article in English.
ʻO nā loli me nā iʻa kū he ʻanaʻe a he talapia, ʻo ia nō nā kamaʻāina hou ma ke Kulanui o Ჹɲʻ ma Mānoa.
E nui aʻe ana ka papa helu inoa ma ka Tuahine Aquaculture Research and Education Center, he kikowaena noiʻi no ka hoʻomākaukau ʻana i nā iʻa no ka mahi ʻia ʻana ma ka pae ʻāina. He hana kēia i pili i ka moʻolelo Ჹɲʻ.
Na ia kikowaena e hoʻokumu i kahua no ka hoʻonaʻauao a me ka noiʻi, a i wahi no nā mahi iʻa o Ჹɲʻ e hoʻoponopono aku ai i nā pilikia. Mahuʻi ʻia, na TAREC e hoʻokō i ka māhuahua ʻana o ko Ჹɲʻ ʻoihana mahi iʻa, koe nō naʻe kona māhuahua pono ʻana ma ke ʻano he mea waiwai ʻoi loa o ko ka mokuʻāina hoʻokele waiwai mahi.
Ua hoʻomaka ʻē ka hana. ʻO Andre Seale, he mea noiʻi a he polopeka ma UH, ka mea nāna i alakaʻi i ko TAREC’s hoʻokumu ʻia ʻana, na ia kanaka e hana nei i kahi papahana no ka hoʻomakua ʻana o ka ʻanae ma nā loko iʻa Ჹɲʻ.
Koʻikoʻi nō ka ʻanae i nā loko iʻa — he 700,000 paona ka loaʻa i ka makahiki 1900 — akā, ua pilikia ko lākou noho ʻana i kēia mau makahiki i hala aku nei ma muli o ka huli aniau.
“ʻOkoʻa kēlā me kēia loko ʻia, he mea nui ka hōʻokoʻa ʻana i ka nui paʻakai ma nā loko iʻa o Ჹɲʻ nei,” wahi a Seale. “ʻO kekahi māhele, ʻo ia nō ka maopopo leʻa ʻana o nā kūlana.”
Ma ke kūkulu he 8,600 kapuaʻi kuea, aia nō nā pahu wai he 80 i loaʻa he ʻelima a i 1,300 kālani, a pili ia mau pahu wai i kahi ʻōnaehana hoʻomaʻemaʻe wai he pīnaʻiapuni, kahi e hoʻohui ʻia ai ke kai me ka wai e like me ka makemake o ka mea noiʻi a me ka pono o ka lāhulu.
He mea hou ʻo TAREC ma ka papa helu o nā kūkulu noiʻi mahi iʻa ma ka pae ʻāina, e laʻa nā kūkulu ma UH Hilo. Akā, na ke kikowaena ma Mānoa e hoʻomaʻamaʻa i nā haumāna ma o nā ʻano i ʻike ʻole ʻia ma mua, wahi a Seale.
ʻO ka hoʻopilipili ʻana i ke kūlana o nā loko iʻa like ʻole, ʻo ia ka mea e hiki ai iā Seale mā ke ʻimi i ke alahele e kāmau aʻe ai nā iʻa ʻōpio. Lana ka manaʻo, e hōʻoi ʻia ana nā loko iʻa i ka māhuahua ʻana o ka ʻanae he lāhulu i hoʻoikaika ʻia.
ʻO ka hana kuʻuna no ka mahi iʻa, ka hana e lawe ʻia ai ka iʻa ma ka loko, ua hele nō a laha hou ua hana nei ma kēia kekeke. Akā, ʻaʻole like ke kūlana o nā loko iʻa o kēia wā me ko kahiko, a pono ke kōkua ʻana ma ka hoʻolikelike ʻana o nā kūlana kekahi i kekahi, wahi a Darren Okimoto, ka hope alakaʻi o UH Sea Grant.
Ke hana pū nei ʻo me College of Tropical Agriculture and Human Resources no ke kūkulu ʻana i ke kikowaena. Ke uku hapa nei hoʻi ʻo Sea Grant i kā Seale noiʻi.
“Pono iā kākou ke kōkua i kēia mau kaiāulu e mālama iā lākou iho, e mahi i kā lākou mea ʻai ponoʻī a e kākoʻo i ka noiʻi,” wahi a Okimoto.
Nānā kā Seale noiʻi i ke ʻano e loli ai ka iʻa he talapia, he chub, he kāhala a he loli ma muli o ke kai, no ka ʻimi ʻana i ka lāhulu i kohu loa i ka mahi ʻia ʻana.
Hoʻohālikelike ʻo ia i kēia hana me ka hoʻopiʻi pipi ʻana — no ka waiū, ka ulu koke, ka momona a i ʻole ka ikaika. Pēlā ka hana no nā makahiki he mau kaukani.
“Akā, ʻo ka hapanui o nā lāhulu moana, he mea hou ko lākou hoʻolaka ʻia ʻana ma kēia mau kekeke i hala aku nei, no laila, he nui laulā ka mea e aʻo mai ai,” wahi a Seale.
ʻO ia hoʻi, hiki ke ʻimi ʻia nā lāhulu ʻē aʻe no ka mahi iʻa ʻana ma nā loko iʻa a ma ʻō aku, wahi a Okimoto.
He $90 miliona ka ʻoihana mahi iʻa ma Ჹɲʻ i kēlā me kēia makahiki, kekahi helu hoʻi i hiki ke hoʻonui ʻia i $600 miliona i kēia mau makahiki he 10 e hiki mai ana, wahi a nā loea. Like kēia waiwai me ko ka mokuʻāina keʻena mahi ʻai, he $670 miliona ka loaʻa i kēlā me kēia makahiki.
ʻO ka limu, ʻo ia ka hā o nā māhele waiwai o ko Ჹɲʻ ʻoihana mahi ma hope o ka ʻanoʻano, ka pipi, a me ke kope, he $45.4 miliona ka waiwai ma ka makahiki 2022.
Akā, no ka hoʻokō ʻia ʻana o kēia pahuhopu, pono ke hoʻoponopono ʻia kekahi o nā pilikia nui, wahi a nā alakaʻi ʻoihana. Pono i ka mokuʻāina a me nā kalana ke hoʻohāiki ʻia kā lākou kānāwai, ke kūkulu hou ʻia ka ʻōnaepuni a ke hoʻomaʻamaʻa ʻia nā kānaka no ka hoʻoikaika ʻana i ka nui limahana.
Ma luna aʻe o ka hoʻolako mea ʻai, he makepono ko ka mahi iʻa no ke keʻena olakino, ka hoʻoponopono ʻāina, ka hoʻēmi huli aniau a me ka mālama ʻāina.
Pili ke kauoha a Sea Grant i kēia mau mea a pau, a ʻo ia nō ke kumu no kona kākoʻo ʻana i ko Seale makemake e kūkulu iā TAREC, wahi a Okimoto. Na ke kikowaena e hoʻonaninani mai ana i nā ʻoihana kūlana i ka maka lehulehu, wahi āna.
“Wahi a ka ʻoihana ma Ჹɲʻ nei, ʻaʻole mākou (e hōʻumeʻume nei i) nā kamaʻāina,” wahi a Okimoto. “ʻŌlelo ʻia, ʻke lawe mai nei lākou i nā malinihi no waho mai.’”
Ua hoʻolaha aku ke Keʻena Mahi i ma Ჹɲʻ nei. E like hoʻi me ka ʻAhaʻōlelo, ʻaʻole i maliu nui aku ia keʻena i kēia ʻoihana i ka wā ma mua.
Ua hāpai ke Kenekoa ʻo Glenn Wakai i mau pila no ke kākoʻo ʻana i ua ʻoihana nei i kēia makahiki, akā, ʻaʻohe hua nui ma laila.
Wahi a Wakai, kekahi o nā mea kau kānāwai he liʻiliʻi nāna e kākoʻo nei i ka ʻoihana, e mahuʻi ʻia ka hopena e like me ke ʻano maʻamau o kēia wā.
ʻIke ke Keʻena Mahi i nā ālaina ma ka mahi iʻa, ʻo kekahi, ua pili i ka hoʻokonukonu ʻoʻoleʻa ʻana, ʻo ia ka mea a Wakai e hoʻoponopono aku ana i kēia kau ʻāhaʻōlelo e hiki mai ana.
Ke uku hapa ʻia nei ʻo “Hawaii Grown” e nā haʻawina kālā mai ka Stupski Foundation, Ulupono Fund ma ka Ჹɲʻ Community Foundation a me ka Frost Family Foundation.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
