E Hōʻano Hou ʻIa Ana Ka Mālama ʻAna I Ko Ჹɲʻ Mau Loko Iʻa Ma O Ka ʻEnehana Hou
Ua puka maila ka hoʻohuli aniau me he ālaina kūikawā lā i mua o nā kiaʻi o kēia mau kumu meaʻai.
Kā ka luna hoʻoponopono nota: Unuhi ʻia na Ākea Kahikina. Click here to read this article in English.
E makepono ana nā papahana loko iʻa ma o ka pae ʻāina i ka ʻenehana ana i haku ʻia no ka hoʻomaʻamaʻa ʻia ʻana o nā loko iʻa i ka hoʻohuli aniau.
, na lākou e hoʻohana nei i ka ʻenehana ana kūikawā i nā hana ma kēlā me kēia lā a nā papahana mālama loko iʻa he 30 ma Oʻahu a me ko Maui kalana.
Ua hui pū nā hui ʻekolu — ʻo Purple Maiʻa Foundation, ʻo Kuaʻāina Ulu ʻAuamo, a me Hohonu — no ka papahana he $400,000 i ʻāpono ʻia e ka ʻAhaʻōlelo lāhui.
E hōʻike ana ka ʻikepili i ka ʻike kahua no nā kiaʻi loko iʻa e nānā aku ai no ka hoʻomaʻamaʻa ʻia ʻana o kā lākou hana i ke kūlana ponoʻī o kēlā me kēia loko ʻia, e laʻa me ke kālele ʻana i nā iʻa pūpū, nā limu, a i ʻole ka mahi iʻa ʻana.
Kālele nā pae mua i ka lawelawe ʻana i ke kaiāulu mālama loko iʻa a me ko lākou pono ʻikepili, e laʻa me ka pae o ka wai a me ka mōakāka o ka wai, wahi a Keaʻa Davis no Purple Maiʻa.
ʻO Davis, ʻo ia ka luna haku huahana no ka hui hoʻonaʻauao kumuloaʻa ʻole, a wahi āna, e kaukaʻi nui ana ka papahana i ka hana pū ʻana me ke kaiāulu loko iʻa, no ka mea, i hiki ke nānā ʻia e ke kaiāulu.
ʻO ia nō ke kumu o ka hana pū ʻana me , he ʻohina o nā hui ʻōiwi, e laʻa me nā papahana loko iʻa kuʻuna he 40, no ka ʻimi ʻana i ka ʻike pili i pono ai nā kaiāulu a me ke ʻano a lākou e hoʻohana aku ai i ia ʻikepili.
Ua haku ʻia ka ʻenehana ana ʻilikai e Hohonu, ʻo ia hoʻi kekahi hui hana na ke Kulanui o Ჹɲʻ, no ka hāʻawi ʻia ʻana o kēia ʻenehana pipiʻi loa i ke kaiāulu kamaʻāina. Ua hoʻohana nui ʻia ka ʻenehana ana ma ke Kapakai Hikina o ʻAmelika no ka wānana ʻana i nā wai hālana.
“He kaʻina hana ko kēia mau kiaʻi no ka nānā ʻana a me ka mālama ʻana i kēia mau wahi a lākou e kiaʻi aku nei,” wahi a Davis. “ʻO kēia nō kekahi pono hana ʻē aʻe ma ko lākou pahu pono hana.”
ʻO nā loko iʻa, he māhele koʻikoʻi nō ia o ka ʻōnaehana ahupuaʻa, ʻo ia nō ka mea a nā Kānaka Maoli i hana aku ai ma ka ʻāina mai uka a i kai. He 500 loko iʻa o ka pae ʻāina ma mua o ka hōʻea ʻana mai o nā haole, a ua ola nā kaiāulu holoʻokoʻa i kēia mau loko iʻa, a liʻuliʻu, ua waiho wale a hulikua ʻia nō ua mau loko iʻa nei.
Ma ka noʻonoʻo kuʻuna, hōʻili ʻia ka ʻike ma o nā hanauna o nā kānaka e noho kokoke ana i ka loko iʻa, ʻo ia hoʻi nā hoa makamaka o ia loko iʻa.
ʻO Brenda Asuncion, ʻo ia nō ka luna hoʻonohonoho no Hui Mālama Loko Iʻa ma lalo o KUA, a wahi āna, hiki i ka ʻenehana ana ke hoʻowikiwiki i ke aʻo hou ʻia ʻana o ka mālama loko iʻa kuʻuna e nā kiaʻi.
“Ua ʻike leʻa nō nā kānaka loko iʻa he nui, ke hoʻokamaʻāina hou mai nei lākou i kēia mau ʻāina a me kēia mau ʻōnaehana,” wahi a Asuncion. “ʻIke ka poʻe nāna e hana ana i kēia ʻano hana, he mau ālaina ko lākou ma muli o ka ʻike ʻole ʻana i ka mālama kuʻuna ʻana a me ke koʻikoʻi o nā loko iʻa i ko kākou ʻāina.”
ʻOiai, ua uku ʻia kēia papahana e ka ʻAhaʻōlelo lāhui a me ka National Oceanic and Atmospheric Administration, no laila, he hōʻailona nō paha ia no ka hulihia, wahi a Asuncion.
ʻO Brian Glazer, ʻo ia ka CEO o Hohonu a he hope polopeka ʻo ia ma UH, a wahi āna, e kūlia ana ka papahana i ka hoʻopili ʻana i ka ʻike kupuna i pili i ka mālama loko iʻa ʻana.
“Na nā Kānaka Maoli i hana akula me ka pololei i 400 mau makahiki aku nei,” wahi a Glazer. “He pono ko kākou lawe ʻana mai i kēlā ʻike i ka pono o ke ahupuaʻa me he lama a he laʻana lā.”
ʻĀnō, pono i nā kiaʻi loko iʻa ke noʻonoʻo i ka hopena o nā kūlana kai paʻa ʻole a me nā anilā ʻano ʻē.
ʻŌlelo aku ʻo Glazer, ʻo ka hoʻohana ʻana i ka ʻenehana ana, ua like nō ke kakaʻikahi o ia ʻenehana me “nā Mars Rovers,” akā i kēia manawa, hiki nō ke hoʻohana ʻia, a ʻo ka mau akula nō ia o kēia mau loko iʻa me he kumu meaʻai lā no nā makahiki he nui.
Mahuʻi ʻia, e pau ana ka papahana ma ka hopena o Malaki, ʻo ia nō ka wā e hoʻokomo ʻia ai nā ʻenehana ana i kēlā me kēia loko iʻa.
Uku hapa ʻia ʻo “Hawaii Grown” e nā makana kālā maiā Stupski Foundation, Ulupono Fund ma ka Hawaii Community Foundation a me ka Frost Family Foundation.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
