Makemake ʻO OHA E Hoʻopakele ʻIa Ma Lalo O Ko Ჹɲʻ Kānāwai Mālamalama
Ma ka Pōʻakolu, na ka Papa Kahu Wawai e kūkākūkā i kā OHA komikina uku hana a me nā ilina kekahi.
Kā ka luna hoʻoponopono nota: Unuhi ʻia na Ākea Kahikina.here to read this article in English.
E noi aku ana paha ke Keʻena Kuleana Ჹɲʻ i ka ʻAhaʻōlelo e hoʻopakele ʻia nā hālāwai o kāna papa kahu waiwai ma lalo o ko Ჹɲʻ Kānāwai Mālamalama.
Wahi a OHA, he pono kona e hana wikiwiki a e kūkākūkā i nā mea i hūnā ʻia, a hiki ke hoʻopilikia ʻia kēia hana ma lalo o ke kānāwai hālāwai lehulehu. Ke hāpai nei naʻe ke keʻena i nā palena e mau aku ai ka hōʻike lehulehu ʻana a me ke komo ʻana o ka lehulehu.
He māhele kēia o kā OHA nui pila no ke kau ʻahaʻōlelo o ka makahiki 2025. Hoʻokaʻawale ʻia ke kakahiaka o ka Pōʻakolu no ke kūkākūkā ʻana o ka papa kahu.
Ma ka papa kumumanaʻo hoʻi, aia nō nā papahana no ka hoʻololi ʻana i ke ʻano e koho ʻia ai kā OHA komikina uku hana a me ke kāpae ʻana i nā noho no nā mea kūkulu hale ma nā ʻaha iwi kupuna o nā mokupuni.
Ua hōʻole nā luna o OHA i ka wehewehe ʻana mai i nā pila i hāpai ʻia a hiki i ka hōʻoia ʻia ʻana o ia mau pila e nā kahu waiwai i kēia pule.
Hōʻike mai ʻo OHA i ke kūpono o kāna noi hoʻopakele ma lalo o ke Kānāwai Mālamalama ma nā i hoʻolaha ʻia ma mua o nā hālāwai hoʻolohe.
Hoʻohālikelike ʻo OHA i kāna hana me ka hana a ka ʻAhaʻōlelo, ka mea hoʻi e hoʻopakele ʻia nei ma lalo o ke Kānāwai Mālamalama, a paʻa ka manaʻo o ia keʻena, he pono kona mālama ʻana i nā hālāwai hūnā no ke kūkākūkā ʻana me ka hopohopo ʻole i ka hoʻolaha ʻia ʻana o ka ʻike i pili i ka hoʻopaʻa ʻaelike me nā hihia kalaima.
Koi aku hoʻi ke Kānāwai Mālamalama i nā papa lehulehu e hoʻolaha aʻe i ka papa kumumanaʻo i ʻeono lā ma mua o ka hālāwai ʻana. Ua ʻōlelo maila ʻo OHA, mau nō ko lākou pono e hoʻonā wikiwiki i nā hihia i pili i ka ʻāina a me ka mālama moʻomeheu.
“ʻO ka pane koke ʻana i ke kūʻai ʻāina ʻana a i ʻole kekahi papahana kūkulu hale nāna e hoʻopilikia i kekahi wahi pana, ʻo ia nō kekahi mea e pono ai ke kūkākūkā koke ʻana, a ʻaʻole hiki ke kakali loa i ka hoʻolaha lehulehu ʻana,” wahi a ka hōʻuluʻulu manaʻo.
Paʻa ka manaʻo o OHA, pono i nā kahu waiwai ke mālama i nā hālāwai me nā mea hana noʻeau a me nā loea kānāwai ma waho aʻe o ka palena o ke kānāwai hālāwai lehulehu.
Makemake hoʻi ia keʻena e kūkākūkā i nā mea kū i ke kānāwai me ka hoʻopukapuka ʻana i pili i ka waihona kālā no nā Kānaka Maoli, he $600 miliona ka waiwai, ma o ka mālama hūnā ʻana.
Pēlā pū kona makemake no ke kūkākūkā hūnā ʻana i nā mea ponoʻī a me nā kumu kaumaha kekahi.
“Hiki i nā koina o ke Kānāwai Mālamalama ke ālai i ke kūkākūkā mōakāka ʻana o nā kahu waiwai i kēia mau mea me ka makaʻu ʻole i ka hoʻohemahema ʻia a me ka hoʻolaha ʻē ʻia ʻana o ka mea e kūkā ʻia ana,” wahi a OHA.
Wahi hoʻi a OHA, e mau aku ana nō kona hoʻolaha ʻana i nā hōʻike lehulehu i pili i nā koho nui, a e mālama ʻia ana nā hālāwai lehulehu i kēlā me kēia kau hapahā o ka makahiki, i waho aʻe o ke koina o ke Kānāwai Mālamalama.
Paipai aku ia keʻena e kau i mau kānāwai e mōakāka mai ai nā mea kikoʻī i ka lehulehu, e laʻa nā haʻawina kālā, nā polokalamu like ʻole a me nā moʻohelu kālā, me ka hūnā ʻia ʻana naʻe o nā mea moʻomeheu a me ka hoʻopaʻa ʻaelike ʻana i mua o ka maka lehulehu.
Akā, hiki ʻē i ka papa kahu waiwai ke hana pēlā ma ke kau luna hoʻokō, wahi a Brian Black, ka luna hoʻokō o ka Public First Law Center.
“ʻAʻole mōakāka ke kumu o kā lākou pila,” wahi a Black.
ʻŌlelo maila ʻo Black, ʻoi aku ke kūpono o kā OHA noi inā noi ʻia ka hoʻohaiki ʻana i ka palena no nā hoʻopakele ʻia ʻana.
Ua kuhi akula ʻo ia i nā ʻaha kalana i hoʻopakele iki ʻia ma ka mālama ʻana i nā hālāwai kaiāulu me ka hopohopo ʻole i ka ʻaʻe ʻana i ke Kānāwai Mālamalama.
Na nā mea kau kānāwai i hōʻemi aku i nā koina o ko ka mokuʻāina ʻŌnaehana Limahana Hoʻomaha Loa i kēlā mau makahiki i hala aku nei. ʻO me ka ʻikepili hūnā, hiki nō ke hūnā ʻia i mua o ka maka lehulehu. A, ʻo kekahi o nā faila i pili i kēlā mau hoʻopukapuka,
“Aia nō ka hopena iā OHA, i hiki iā ia ke hōʻike leʻa i kāna hana a me ke kumu kikoʻī e makepono ai ka hana malū ʻana,” wahi a Black.
ʻO kekahi pila i hāpai ʻia, nāna e hoʻomana i nā kahu waiwai e koho i kā OHA komikina uku hana.
ʻĀnō, aia ka mana ma luna o ke kiaʻāina. Koi ʻia nā komikina e hālāwai i kēlā me kēia mau makahiki ʻehā no ke koho ʻana i ka helu uku hana no nā kahu waiwai, akā, wahi a OHA, ʻaʻole pēlā ka hana a nā papa luna ma mua.
Me ka uku hana he $58,560, ʻo nā kahu waiwai o OHA, ʻo lākou nō nā luna i koho pāloka ʻia ma Ჹɲʻ nei me ka ʻuʻuku loa o ka uku hana.
ʻO kekahi pila ʻē aʻe e kūkā ʻia ana ma ka Pōʻakolu, nāna e kāpae aku i nā noho ma nā ʻaha iwi kupuna o nā mokupuni no nā mea kūkulu hale a me nā ʻona ʻāina nui.
Mālama nā ʻaha iwi kupuna i nā iwi kupuna i nā mokupuni o ka pae ʻāina, koe aku ʻo Kahoʻolawe.
Na ke kānāwai o kēia wā e ʻāpono i nā lālā ʻeiwa e koho i ʻekolu moho e kū no ke kūkulu hale ʻana a me nā hoihoi ʻāina nui. No ka ʻaha he ʻelima lālā ma Molokaʻi, ʻae ʻia hoʻokahi noho wale nō no kēlā mau hoihoi.
Na kā OHA pila e kāpae i kēlā mau ʻano noho ma kēlā me kēia ʻaha, a e hoʻēmi i ka helu noho mai ʻeiwa a i ʻehiku mau noho.
Wahi a OHA, kū ʻelele ʻē ʻia kēlā mau hoihoi ma o nā hoa kūkā a me nā loea e hōʻea i mua o ka ʻaha a me ke kūkākūkā ʻana i nā ilina.
ʻO kā Civil Beat kūkala nūhou ʻana i nā papahana Kanaka Maoli, uku ʻia e kekahi haʻawina kalā maiā Abigail Kawānanakoa Foundation.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
