He Hulihia Ko OHA, Koho Alakaʻi ʻIa ʻO Kai Kahele Me Ka Nānā ʻAna I Ke Kūkulu Hale
Makemake ke kahu waiwai hou no ka Moku o Keawe e kahukahu i ka pilina me ka ʻAhaʻōlelo.
Kā ka luna hoʻoponopono nota: Unuhi ʻia na Ākea Kahikina.here to read this article in English.
Na nā kahu waiwai o ke Keʻena Kuleana Ჹɲʻ i koho pāloka iā Kai Kahele, ka ʻelele ʻahaʻōlelo ʻAmelika kahiko, e kū luna noho ma luna o kekahi papahana nāna e kahukahu i ka pilina me ka ʻAhaʻōlelo no ka ʻāpono ʻana i ke kūkulu hale ʻana ma Honolulu.
Ua koho pāloka nā kahu waiwai he 8-1 ma ka Pōʻakolu no ke kākoʻo ʻana iā Kahele e kuapo noho luna me Carmen Hulu Lindsey, ka mea hoʻi nāna i koho pāloka pū iā Kahele i ka manawa e lawa ʻole ai ka helu pāloka no ka hoʻomau ʻana i ko ia ala noho luna ponoʻī ʻana ma luna o ka papa he ʻeiwa lālā.
Mālama nā kahu waiwai i ke keʻena ʻano kūʻokoʻa i hoʻokumu ʻia ma nā makahiki 1970 no ka hoʻopulapula ʻana i ka poʻe Ჹɲʻ. Mālama hoʻi lākou i kona waihona kālā hoʻokahu i loaʻa mai ai ke kālā mai ke aupuni mōʻī Ჹɲʻ, a he $600 miliona kona waiwai i kēia wā.
“ʻO ko mākou kuleana, ʻo ia nō ka hōʻoi ʻana i ke ola o ka lāhui Ჹɲʻ,” wahi a Kahele ma kona ʻae ʻana mai i ke koho ʻia ʻana.
ʻO Kahele, he mea kau kānāwai kahiko ʻo ia, a makemake ʻo ia e kālele i ke kūkulu hale ʻana ma luna o nā ʻeka he 30 ma Kakaʻako Makai, a ʻo kēia keʻena ka ʻona ma luna o ia mau ʻeka. Nui nā makahiki i hala ma ko OHA hoʻāʻo ʻana e kāpae i ka pāpā ʻia ʻana o ke kūkulu hale ʻana ma kēlā ʻāina, i hiki ke kūkulu ʻia kekahi hale papaʻi he 400 kapuaʻi.
Ma kekahi nīnauele i ʻōlelo mai ai ʻo Kahele, makemake ʻo ia e māhelehele aku nā kahu waiwai i ka nui mea kau kānāwai he 76 a kahukahu ʻia nā pilina ma waena o ia mau lālā o ka haiamui Kanaka Maoli o ka ʻAhaʻōlelo me nā kahu waiwai.
I loko o ko OHA mau hālāwai ponoʻī, he mea nui ka ʻike mōakāka ʻia ʻana, wahi a Kahele.
Maliʻa paha, ʻo ko Kahele kāpae ʻana i nā hālāwai luna hoʻokō pinepine a ka papa kahu waiwai, kahi hoʻi i ʻāpono ʻai ai ka hālāwai malū ʻana o nā kahu waiwai me kā lākou loio ponoʻī, he hōʻailona ia no ke ʻano e hoʻomalu aku ai ʻo Kahele i nā hālāwai me he luna noho lā.
Ua haʻi akula ʻo ia i ka papa kahu, ʻaʻohe kumu no ka hālāwai malū ʻana ma ka Pōʻakolū. ʻAʻohe kanaka i kūʻē aku.
“ʻO kekahi mea e pono ai kā OHA hana, ʻo ia nō ke kahukahu hou ʻana i ka hilinaʻi o ka lehulehu, nā mea i hoʻokahu ʻia, a me ka ʻAhaʻōlelo,” wahi a Kahele i ʻōlelo mai ai ma hope o ka hālāwai.
ʻŌlelo akula hoʻi ʻo ia, ʻo kona lanakila ʻana, he mea i mahuʻi ʻole ʻia, akā, ua haʻi ʻia ʻo ia e nā kahu waiwai ʻē aʻe ma ka wā e mākaukau ana ko lākou koho pāloka ʻana, makemake lākou e hoʻololi alakaʻi.
Ua hoʻohalahala ʻia ke keʻena me nā kahu waiwai kahiko ma muli o ka mālama kūpono ʻole ʻana i ko OHA waihona kālā. Ua hōʻike ʻia ma kekahi hōʻoia moʻokālā ma ka makahiki 2022, ua lū ʻē ʻia ke kālā, a he hana ʻepa nō paha kekahi o ka lū kālā ʻana.
Wahi a Keoni Souza ma ka hālāwai i ka Pōʻakolu, ka mea i koho pāloka ʻia he hope luna noho, makemake nā kahu waiwai e hoʻololi i ke ʻano e hana pū ai ke keʻena me ka ʻAhaʻōlelo a me ka mālama ʻana i ko OHA waihona kālā.
Ua ʻōlelo maila ʻo Souza, “ʻo Kahele nō ka mea e pono ai ʻo OHA i kēia manawa.”
Wahi a Luana Alapa, ka i koho pāloka iā Kahele, “ua pono iaʻu ke hana e like me ka makemake o ka naʻau.”
“Paʻa koʻu manaʻo, ʻo kaʻu i hana aku ai — he mea ia no kākou a pau, ʻo ia hoʻi ka holomua ʻana me ka ʻoi o ka ʻoluʻolu,” wahi āna.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
