������Ƶ

Kā ka luna hoʻoponopono nota: Unuhi ʻia na Ākea Kahikina. Click here to read this article in English.

Ma hope o nā makahiki e pāpā ʻia ai nā kelepona lawe lima ma ke kula, ua hoʻopukapuka aku ʻo Kīhei Charter School i $9,000 no ke kāpae ʻokoʻa ʻana i nā kelepona ma nā lumi papa. 

Civil Beat stories ma ka ʻōlelo �Ჹ�ɲ���ʻ��

‘Ka Ulana Pilina’ is an ongoing collection of news articles and opinion pieces written in the Hawaiian language to better connect with our Indigenous readers, identify underreported stories and improve our engagement with an underserved community.

Read More

Ua kūʻai mai ke kula Maui i 300 ʻeke liʻiliʻi i kēia makahiki e laka mākēneki ʻia ke hoʻokomo ʻia ke kelepona i loko, wahi a Michael Stubbs, ke poʻo kula. Hoʻokomo nā haumāna kula kiʻekiʻe i nā kelepona i loko o nā ʻeke ma kinohi o ka lā, a hiki ke wehe ʻia ma ka ʻauinalā ma o kekahi wahi wehe i mālama ʻia e nā kumu ma ko lākou mau lumi. 

I kēia wā, ke holo pono nei ka hana. Wahi a nā kumu, emi aku ka nui o ka lalau ʻana ma kēia makahiki, a nui aʻe ke kūkākūkā ʻana ma waena o nā haumāna, wahi a Stubbs. Ua kūʻai mai ke kula i nā pāʻani, e laʻa ʻo Connect 4 me Jenga, i hiki i nā haumāna ke pāʻani ma ka wā hoʻomaha. 

“Emi aku ka mehameha,” wahi āna. 

Pilikia nā kula �Ჹ�ɲ���ʻ�� he nui i ka hoʻēmi ʻana i ko nā haumāna hoʻohana ʻana i nā kelepona, kuhi lākou i nā lalau lapuwale ma ka papa a me ka hopena ʻino a ka pāpaho pilikanaka ma luna o ke olakino noʻonoʻo o nā ʻōpio. 

Ua ʻāpono i nā kānāwai e pāpā ʻia ai nā kelepona lawe lima ma ka lumi papa, a ua hāpai nā mokuʻāina he 12 i nā pila e hōʻemi ʻia ai ka hoʻohana kelepona ʻana ma ke kahua kula. Ma �Ჹ�ɲ���ʻ�� nei, wahi a nā ʻōkuhi aʻoaʻo mai ke mai, hiki i nā haumāna ke hoʻohana i nā ʻenehana uila ma hope o ka ʻae ʻana o ke kumu. 

He ea ko nā poʻo kumu ma ka haku ʻana i nā kulekele i pili i ka hoʻohana kelepona, a hiki iā lākou ke hoʻomana i nā kumu e koho i ke ʻano e hoʻohana ʻia ai nā ʻenehana uila e nā haumāna ma ka papa. ʻO ka mea maʻamau, kāpae nā kula i nā kelepona a mālama ʻia nā hālāwai makua ke ʻaʻe pinepine nā haumāna i ke kānāwai a ke kumu. 

I ka makahiki 2005, ua kūkākūkā ko �Ჹ�ɲ���ʻ�� Papa Luna Hoʻonaʻauao i ka pāpā kelepona ʻana ma nā kula aupuni a pau o ka pae ʻāina, akā, ʻaʻole i koho ʻia pēlā ma muli o ka hopohopo i nā haumāna ma ka wā pōpilikia, inā hiki iā lākou ke hoʻohana kelepona ma ia wā. ʻAʻole i kūkākūkā hou ka papa luna i nā papahana like mai kēlā manawa aku. 

Wahi a nā kumu a me nā luna, ʻo ka hoʻēmi ʻana i ka hoʻohana kelepona ma ka lā, hiki ia hana ke hoʻēmi i ke kaukaʻi ʻana i kā lākou ʻenehana, a hiki hoʻi ke hoʻomohala ʻia nā hana e ʻoi aʻe ai ke olakino. Akā, nui nā kānaka e ʻaelike, he palena kikoʻī ko ka pāpā ʻana, a pono i nā kula me nā ʻohana ke hana i nā mea ʻē aʻe ma ke aʻo ʻana aku i nā haumāna e hoʻohana kūpono i ka ʻenehana a me ka pāpaho pilikanaka ma waho aʻe o ke kula. 

“He kōkua ke kulekele,” wahi a Sarah Milianta-Laffin, he kumu ma ʻIlima Intermediate School. “Akā, he kuleana ko kākou ma ke aʻo ʻana aku i kēia mau keiki e hoʻohana i kēia mau ʻenehana me ke kūpono.” 

Ka Hoʻokele ʻAna I Nā Kulekele Kelepona Hou

Ma Nānākuli High and Intermediate School, ua hoʻomaka ʻia ka makahiki me kekahi kānāwai hou: pāpā ʻia nā kelepona, ʻaʻole e hoʻohana ʻia ma ka lumi papa. Ma mua, ʻokoʻa nā kulekele kelepona i kēlā me kēia lumi papa, wahi a Chloe Kitsu, he kumu, ʻo ia hoʻi ka mea nāna i ʻāpono i nā haumāna e waiho i ke kelepona me ke alo i lalo, a i ʻole, e hoʻohana ʻia ke pau ka haʻawina. 

Ua hopohopo mua ʻo Kitsu, e nuku pinepine ana ʻo ia i nā haumāna e kāpae i nā kelepona, a i ʻole, e noi pinepine mai ana ʻo ia i nā luna e hōʻea a lawe aku i nā kelepona mai ka lumi papa. Akā, ua hōʻihi ka hapa nui o nā haumāna i ke kānāwai hou, wahi a Kitsu, ʻoiai, ʻae ʻia lākou e hoʻohana i nā kelepona ma ka ʻaina awakea a me ka wā ma waena o nā papa. 

“Inā ua haʻi mai ʻoe iaʻu i hoʻokahi makahiki aku nei: e emi ana nō ka nui pilikia i pili i ke kelepona, ʻaʻole nō wau e piliwi iā ʻoe,” wahi a Kitsu. “Eia naʻe, he mea maikaʻi wale nō kaʻu i ʻike ai.” 

Ma ka pae kula haʻahaʻa hoʻi, maʻa nā haumāna like ʻole i ka hoʻohana kelepona a me ke kaʻana aku i nā ʻenehana me nā hoa, wahi a Bebi Davis, ke poʻo kumu o Kaʻiulani Elementary School. Kauoha ʻo ia i nā haumāna e waiho i nā kelepona ma kā lākou ʻeke kula, a kāpae ʻo ia i nā ʻenehana ke ʻaʻe ʻia ke kānāwai o nā kumu. 

I kekahi mau manawa, uluhua nā mākua a me nā haumāna i ka hiki ʻole ke kelekiko aku kekahi i kekahi ma ka lā kula, wahi a Davis, akā, hoʻomanaʻo ʻo ia i nā ʻohana, hiki iā lākou ke kūkākūkā me kā lākou mau keiki ma o ke kelepona ʻana aku i ke keʻena mua. 

ʻO ke kula ʻo ʻIolani, he kula uku ma Honolulu nei, ke hoʻoikaika nei i kāna mau kulekele i pili i ke kelepona no nā haumāna oʻo iki. He mea hou ma kēia makahiki: koi ʻia nā haumāna mai ka papa ʻehiku a i ka papa ʻeiwa e waiho i nā kelepona ma nā ʻeke a i ʻole i nā pahu laka a kani ka pele hope loa, akā, hiki naʻe i nā haumāna mai ka papa 1o aʻe ke hoʻohana i nā ʻenehana ponoʻī e like me ka makemake. 

Koi ʻē ke kula i nā haumāna mai ka papa mālaaʻo a i ka papa ʻeono e waiho i ke kelepona no ka lā holoʻokoʻa, wahi a Timothy Cottrell, ke poʻo kula.  

Wahi a Cottrell, ʻo ke olakino noʻonoʻo o nā haumāna, ʻo ia nō ka mea nui e ʻeuʻeu aʻe ai ke kulekele hou a ke kula i kēia makahiki. Emi aku ka nui manawa e pili ai nā haumāna me nā hoa, a ʻoi aku ka nui manawa e hoʻohālikelike ai lākou kekahi i kekahi ma ko lākou wā e hoʻohana ana i nā kelepona a me ka pāpaho pilikanaka, wahi āna. 

Ua hōʻike mai , ʻo ka hoʻohana nui ʻino ʻana i ka pāpaho pilikanaka a me nā kelepona lawe lima, hiki i ia mau mea ke hana ʻino i ke olakino o nā haumāna, a ʻo ke emi ihola nō ia o ka hiamoe pono a me ka haʻaheo o ka haumāna. 

ʻAʻole hiki i ke kula ke hoʻopololei i ka hoʻohana kelepona ʻana o nā haumāna ma waho o ke kula, akā, lana nō kona manaʻo, e kōkua ana ke kelekule i ka hoʻomaopopo ʻana o nā haumāna e hana kūpono i nā ʻenehana me ke kālele ʻana i nā pilina he alo a he alo a me nā hana hoʻoikaika kino ma ka nohona. 

“He hoʻolauna kēia i ka hoʻokonukonu ʻana, i mea e maikaʻi ai ka pilina o lākou me ka ʻenehana,” wahi a Cottrell. 

Pono Paha Ke Aʻo, ʻAʻole Ka Pāpā

I loko nō o ka pāpā ʻia ʻana o ke kelepona ma nā kula he nui, ke hoʻolahilahi nei kekahi i nā kānāwai kelepona ma o ka manaʻo o nā haumāna a me ka uluhua o nā limahana. 

I nā makahiki i hala aku nei, pāpā ʻia nā kelepona ma ʻIlima Intermediate ma nā wahi lehulehu, e laʻe ka hale waihona puke a me ka hale ʻaina, wahi a Milianata-Laffin. Nui ka manawa i kāpae aku ai ka hui mākaʻi kula i nā kelepona, wahi a ke kumu, a mau nō ka nānā ʻana o nā haumāna i ka pāpaho pilikanaka i loko o ka papa. 

Ua ʻāpono ke kula i nā haumāna e hoʻohana i nā kelepona ma ka ʻaina awakea a me ka wā hoʻomaha, me ka manaʻolana, e waiho ana lākou i nā ʻenehana ma ka papa. 

“He kōkua iki ke kulekele hou, akā, hūnā kekahi mau keiki i ke kelepona ma hope o ka ʻeke kua a i ʻole ma lalo o ke pākaukau ma ka papa,” wahi a Milianta-Laffin. Hiki i nā luna ke kāpae i nā ʻenehana ke noi ke kumu pēlā, akā, he paʻakikī ka hoʻomau ʻole ʻana i ka hana paʻa a ka haumāna. 

“Ua like nō ia me Whac-A-Mole,” wahi a Milianta-Laffin. 

Ma kekahi hanana ʻohana i mālama ʻia aku nei ma ke kula ʻo Punahou no nā kelepona lawe lima, ua kūkākūkā nā mākua i nā nīnau like ʻole i pili i ka nānā ʻana i ka hoʻohana pāpaho pilikanaka a me ke kau kānāwai ʻana no ka hoʻohana kelepona ma ka hale. 

Ua kākoʻo ka hapanui o nā mākua i ke koho a ke kula e kāpae i nā kelepona ma ka lumi papa o nā kula kiʻekiʻe, wahi a Pelekikena Michael Latham. Akā, ke hana pū nei ke kula me nā ʻohana ma ke aʻo ʻana aku i nā keiki i ka hopena a ka pāpaho pilikanaka ma luna o ke olakino noʻonoʻo, a me ka hoʻohana kūpono ʻana i ke kelepona ma waho o ke kula, wahi a Latham. 

“I loko nō o kekahi pāpā ʻokoʻa ʻana, ʻaʻohe hiki ke hoʻoponopono i ka mea e hana ʻia ke pau ka lā kula,” wahi a Latham. “Inā ʻaʻole aʻo ʻia kēia mau hopena he pilikanaka a he walohia, a me nā hana e hoʻokonukonu ʻia ai ka hoʻohana ʻana, ʻaʻole e lawelawe pono ʻia ana nā haumāna.” 

ʻO Deborah Bond-Upson, ka pelekikena o a me ka luna kūikawā o ka Hui for Excellence in Education, ua ʻōlelo maila ʻo ia, e kākoʻo ana ʻo ia i kahi kulekele aupuni e kāpae ʻia ai ke kelepona ma ka lumi papa. Akā, wahi āna, pono i nā kumu ke kōkua hou ʻia i mea e kō ai kēia pāpā ʻana, a pono i ke kula ke hoʻohui i kēia mau kānāwai me nā haʻawina hou i pili i ka hoʻohana kūpono ʻana i ka ʻenehana no ke aʻo ʻana, ʻaʻole no ka hana ʻino ʻana. 

“Pono iā kākou ke noʻonoʻo me ke akamai i pili i ka ʻenehana,” wahi āna. 

ʻO kā Civil Beat kūkala nūhou ʻana i pili i ka hoʻonaʻauao, ke uku ʻia nei e kekahi haʻawina kālā maiā Chamberlin Family Philanthropy.

Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.