Pilikia Nā Kula I Ka Hoʻokō ʻAna I Nā Polokalamu Kaiapuni
He hapahā ka nui o nā kumu kaiapuni me nā laikini ʻole, a pono nā kumu hou ke nui aʻe nā polokalamu.
Kā ka luna hoʻoponopono nota: Unuhi ʻia na Ākea Kahikina.here to read this article in English.
I loko o nā makahiki he ʻumi i hala aku nei, ua hoʻonui ʻia ka nui haumāna kaiapuni he 60%, i loko nō naʻe o ke emi ʻana o ka nui haumāna ma nā kula aupuni o ka mokuʻāina. Ua nui aʻe ka helu o nā kula kaiapuni ma lalo o ke Keʻena o ka Hoʻonaʻauao, mai 14 a i 22 kula, me ka manaʻolana o nā ʻohana e hānai keiki me nā ʻōlelo kūhelu ʻelua o ka ʻāina.
Akā, ua pilikia nā kula kaiapuni i ka ʻimi ʻana i nā kumu waiwai a me nā limahana i mea e kō ai ka makemake o ka lehulehu. He hapakolu ka nui o nā kūlana aʻo kaiapuni i pani hakahaka ʻole ʻia ma mua o ka makahiki kula 2023–24, a ua hōʻole kekahi mau kula i nā ʻohana ma muli o ka haiki o nā kumu waiwai a me nā limahana.
He 2,300 a ʻoi ka nui o nā haumāna DOE i hele i ke kula kaiapuni i kēlā makahiki aku nei.
Ma Mei, — ka inoa nui no ka ʻaha kula kaiapuni — no kēia makahiki kula e hiki mai ana. Na kēia hoʻolako ʻana e kākoʻo i 10 mau kūlana kumu a ʻekolu laekahi papa haʻawina ma lalo o ke Keʻena o ka Hoʻonaʻauao Ჹɲʻ, kahi e hoʻomohala a hoʻolaha aku i nā kula kaiapuni ma ka mokuʻāina.
ʻO ka lā 10 o Iulai ka lā palena pau no ke Kiaʻāina ʻo Josh Green e pūlima aku ai iā House Bill 2074.
I loko nō o ke kōkua ʻana mai ka mokuʻāina mai, ke ʻimi nei naʻe nā kula kaiapuni i nā haʻina noho loa e nui aʻe ai ko lākou mākaukau. He nele loa ko Ჹɲʻ i nā kumu ʻole i mākaukau i ke aʻo kaiapuni ʻana, a nele hoʻi i nā puke ʻōlelo Ჹɲʻ ʻole.
“Paʻapū ʻino nā lumi papa,” wahi a Brandi Cutler, he makua ma ke kula ʻo Pūʻōhala ma Kāneʻohe.
No ka lawelawe pono ʻana i ka nui o nā ʻohana e nui aʻe nei ma ia kula, ua hoʻākea ʻia ke kula i kula waena a i kula kiʻekiʻe hoʻi.
Pono iā DOE ke noi i kālā hou mai ka ʻAhaʻōlelo i kēia makahiki aʻe no ka hoʻomau ʻana i nā kūlana he 13 i hoʻokumu ʻia ma lalo o HB 2074. Ua hōʻole ke keʻena i ka noi nīnauele.
Nā Ālaina No Ke Kālā Me Ka Limahana
Ma ka hapanui o nā kula kaiapuni o ka DOE, hele nā haumāna kaiapuni i ke kula like a nā haumāna ʻōlelo Haole e hele aku ai. Aʻo ʻia nā haumāna kaiapuni ma o ka ʻōlelo Ჹɲʻ wale nō a hiki i ka papa ʻelima, ʻo ia ka wā e hoʻolauna ʻia ai ka ʻōlelo Haole ma ke ʻano he kumuhana.
No nā kula nāna e lawelawe i nā haumāna he kaiapuni a he ʻōlelo Haole, he pono ko nā poʻo kumu e hai i nā kumu no nā polokalamu ʻelua. ʻOiai, aia nō ka nui o nā haumāna ma kekahi kula i ka nui o ke kālā i hāʻawi ʻia i ia kula, e nele ana nō paha nā polokalamu kaiapuni liʻiliʻi i ke kālā ʻole, a ʻaʻole paha e hiki ke hai ʻia nā kumu no kēlā me kēia kumuhana.
No ke kōkua ʻana i nā kula kaiapuni liʻiliʻi e hoʻolako limahana, he 35 kūlana kumu kaiapuni a OHE i uku ʻia e ka mokuʻāina a e hoʻonohonoho ʻia ma nā kula i pono ai nā kumu hou. Eia naʻe, he ʻuʻuku nō nā kūlana ke hoʻonohonoho ʻia ma nā kula kaiapuni he 22.
Ma ka Moku o Keawe, lawelawe ʻia nā haumāna kaiapuni, mai ka papa mālaaʻo a i ka papa ʻumikūmālua, ma Ke Kula o Ehunuikaimalino. Wahi a ke poʻo kula ʻo Jessica Dahlke, hauʻoli ʻo ia e ʻae mai i nā kūlana kumu i uku ʻia e OHE.
Akā, wahi a Dahlke, ʻaʻole i hoʻohiki paʻa ʻia nā kūlana i kēla me kēia makahiki, a mau nō ka pono no nā kumu hou ma nā kula kaiapuni. Ma Ke Kula o Ehunuikaimalino, ua emi nā kūlana kumu a OHE, mai ʻekolu a i ʻelua, no kēia makahiki kula e hiki mai ana, ʻoiai, ua hoʻololi aku ke keʻena i kekahi o kona mau kumu waiwai no ke kōkua ʻana i polokalamu kaiapuni ma ke kula haʻahaʻa o Haleʻiwa.
ʻO nā kūlana kumu hou he 10 i hoʻokumu ʻia ma lalo o HB 2074, na kēia mea e hoʻonui i ka nui limahana ma nā kula kaiapuni me ka ʻole o ka uku hou ʻana. A laila, wahi a Dahlke, hiki i ke kula ke uku i nā mea koʻikoʻi ʻē aʻe, e laʻa ka hoʻomohala ʻana i nā papahana kauwela a i ʻole ke kūkulu ʻana i mau lumi papa ʻē aʻe no nā haumāna.
“ʻO kekahi kumu waiwai i pono ai kēia kula, ʻo ia nō ka lumi a me nā pono hana,” wahi a Dahlke me ke kuhi ʻana i ka paʻapū o nā lumi papa. “Nui nā mea ʻē aʻe a mākou e nānā aku ai no ka nui limahana.”
Mau Nō Ka Nele Kumu
I loko nō o kēia manawa kūpono e nui aʻe ai ka nui limahana ma kekahi mau kula kaiapuni, he paʻakikī nō ka ʻimi ʻana i nā kumu mākaukau.
ʻO ka nele mau loa o nā kumu kaiapuni ʻole, he mea ia i hoʻolohi i ka holomua ʻana o kekahi mau kula.
Na Ke Kula o Ehunuikaimalino i hoʻopaʻa i ka nui haumāna papa mālaaʻo he 22 haumāna wale nō no kēia makahiki kula e hiki mai ana, a loaʻa ʻehiku haumāna ma ka papa helu inoa kakali.
ʻEkolu wale nō kula kaiapuni ma ka Moku o Keawe, no laila, na kekahi mau haumāna e huakaʻi he 100 mile no ka hele ʻana i Ke Kula O Ehunuikaimalino, wahi a Dahlke. Ma mua, wahi āna, ua aʻo aku kekahi kumu i 31 mau hāumana ma ka wā like, akā, na nā papa nui i hoʻopilikia i nā kumu waiwai a me nā pono hana o ke kula.
“Makemake mākou he nui e laha loa ke aʻo kaiapuni ʻana i ʻō, i ʻaneʻi, akā, ma muli o ka nele i nā pono hana ʻole a me ka ʻimi ʻana i nā kumu mākaukau, ʻaʻole hiki i ke kula ke hoʻokō i kēlā makemake,” wahi a Dahlke.
ʻĀnō, ʻelua polokalamu o ka mokuʻāina no ka hoʻomaʻamaʻa ʻana i nā kumu no ke kula kaiapuni.
He polokalamu laeoʻo ko ke Kulanui o Ჹɲʻ ma Hilo, a hoʻokahi makahiki ka lōʻihi, no ka loaʻa ʻana o ka laikini kumu kaiapuni, wahi a Kananinohea Makaimoku, he polopeka. Paʻakikī loa ke koina a ka polokalamu: pono i nā haumāna ke komo me ʻehā makahiki o nā papa ʻōlelo Ჹɲʻ a e hoʻopau i 1,000 hola o ke aʻo haumāna ʻana. Aʻo ʻia nā papa a pau ma ka ʻōlelo Ჹɲʻ.
Ua hemo kula nā haumāna he 150 a ʻoi mai kēia polokalamu mai, a he ʻewalu ka nui o nā haumāna e komo i ka polokalamu i kēla, kēia makahiki.
ʻĀnō, wahi a Makaimoku, he hapahā ka nui o nā kumu kaiapuni i loaʻa ʻole ai ka laikini, ʻo ia hoʻi, ua hai pōulia ʻia lākou, a i ʻole, ke hoʻokō nei lākou i nā koina o ka polokamu.
ʻO ke Kula ʻo Ānuenue kekahi o nā kula DOE ʻelua nāna e lawelawe i nā haumāna kaiapuni mai ka papa mālaaʻo a hiki i ka papa ʻumikūmālua. Wahi a ke poʻo kumu ʻo Babā Yim, he ālaina noho loa ka ʻimi ʻana i nā kumu i poeko i ka ʻōlelo Ჹɲʻ a i maʻa i ke aʻo ʻana i nā kumuhana like ʻole, e laʻa ka makemakika a me ka ʻepekema.
He hapakolu ka nui o nā kumu nāna e ʻimi nei i ka laikini aʻo kaiapuni, wahi a Yim.
“Inā he nele kumu ko nā kula aupuni o ka DOE, ʻoi loa aku ka nele ma nā kula kaiapuni,” wahi a Yim.
Pono Nā Puke Aʻo Hou
ʻO kekahi ālaina ʻē aʻe, ʻo ia nō ka nele ʻana i nā puke a me ka papa haʻawina ʻole ma ka ʻōlelo Ჹɲʻ, a ʻaʻohe papa haʻawina kūlike o nā kula kaiapuni. Mau nō ko nā kumu haku papa haʻawina ʻana mai kinohi mai, a i ʻole, pono lākou e unuhi i nā mea ʻōlelo Haole i ka ʻōlelo Ჹɲʻ.
Kōkua ʻo HB 2074 i kā OHE mau laekahi papa haʻawina he ʻekolu. Hoʻonohonoho ʻē ʻia nā kūlana i loko o ke keʻena, akā, ua uku ʻia e nā haʻawina kālā pekelala no Covid-19 e pau ana ma Kepakemapa.
ʻO Rebecca Kapolei Kiʻili kekahi kumu kaiapuni ma ke kula kiʻekiʻe ʻo King Kekaulike ma Maui, a wahi āna, pono nā kula i nā papa haʻawina kūlike, keu hoʻi ma ke kula waena a me ke kula kiʻekiʻe. No ka wā ma hope, wahi āna, makemake ʻo ia e ʻike i kā OHE hoʻomohala ʻana i nā haʻawina ma ka ʻōlelo Ჹɲʻ i hiki ke hoʻohana ʻia e nā kumu hou ma ko lākou mau lumi papa.
“He hana nui nō ia. ʻAʻole nō paha ʻike ʻo haʻi, he paʻakikī nō ka nele ʻana i ka papa haʻawina ʻole,” wahi a Kiʻili me ke kuhi ʻana, ua koi ʻia ʻo ia e haku i papa haʻawina no ʻewalu kumuhana i loko o hoʻokahi makahiki.
Wahi a Kyle Kolomona Nakatsuka, ka mea i aʻo aku ma nā kula kaiapuni mai ka makahiki 2017 a i 2020, he ʻuʻuku nō nā kumu waiwai no nā papa he makemakika a he ʻepekema. ʻAno paʻakikī ka hoʻomaopopo ʻana i kekahi unuhina i loaʻa no kekahi puke kemika, wahi a Nakatsuka, no laila, nāna i haku i kāna mau papa haʻawina ponoʻī.
I kekahi mau manawa, wahi āna, he pono kona unuhi ponoʻī ʻana i nā mea malihini, e laʻa ka genetic drift.
“ʻAʻohe Bill Nye The Science Guy ma ke kula kaiapuni,” wahi a Nakatsuka.
Wahi a Pahonu Coleman, he pukana a ka papa kaiapuni mua loa o ke kula kiʻekiʻe o Kailua, ua ʻike leʻa ʻo ia i ka pono no nā kumu waiwai ʻōlelo Ჹɲʻ hou ma kona wā e hele kula haʻahaʻa ana. Makemake ʻo ia e ʻike i ka nui ʻana i ka helu o nā hoa kūkā a me nā kumu i poeko i ka ʻōlelo kupa, i hiki ke kōkua ʻia nā haumāna kaiapuni ma ke kula kiʻekiʻe.
“ʻO ke kākoʻo ʻana i nā kula kaiapuni, ʻo ia nō hoʻi ke kākoʻo ʻana i ka mea e Ჹɲʻ ai ʻo Ჹɲʻ,” wahi a Coleman.
Ke uku ʻia nei kā Civil Beat kūkala nūhou ʻana i pili i ka hoʻonaʻauao e kekahi haʻawina kālā maiā Chamberlin Family Philanthropy.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
