������Ƶ

Kā ka luna hoʻoponopono nota: Unuhi ʻia na Ākea Kahikina. Click here to read this article in English.

Ma mua o nā ahi ʻino loa o Lahaina ma ʻAukake, he 25,000 ka nui o nā lāʻau ma ia kaona ma Maui Komohana. 

I kēia lā, he 1,000 ka nui i koe, e laʻa ke kumu paniana ʻĪnia i kaulana loa, he mea nui i nā malihini a me nā kamaʻāina, ka i kanu ʻia ma ke alahele ʻo Front ma ka makahiki 1873, wahi a ka luna noho o ke Kōmike Kauka Lāʻau o ke Kalana o Maui. 

Ke holo nei nā hana no ka mālama ʻana i ke kumu paniana a me nā kumu lāʻau ʻē aʻe i koe — a me ka hoʻūlu ʻana i nā ʻanoʻano no nā kamaʻāina i ʻauheʻe. Ke mākaukau nā luaahi ahi e kūkulu hou ma luna o ka ʻāina ʻā, e hoʻolako ʻia ana nā kumu oʻo me nā hua no ko lākou kanu ʻana me ka manuahi. 

Ke hōʻeuʻeu nei nā lālā kaiāulu a me Gabe Johnson, he lālā o ka ʻAha Kalana o Maui, ma ka hai ʻana i kekahi kauka lāʻau ʻē aʻe ma lalo o ke kalana, no ka mea, mahuʻi ʻia, e nui aʻe ana ka hana lāʻau ma ka wā e kūkulu hou ʻia ana ʻo Lahaina. 

Wahi a Duane Sparkman, ka luna o ke , ua kāhea ʻia ʻo ia a me nā lālā ʻē aʻe ma hope pono o ke ahi ma ka lā 8 o ʻAukake e nā kānaka nāna i nīele i ka nīele like: He aha ana kā ʻoukou e hana aku ai no nā kumu lāʻau?

ʻO Sparkman ka luna o ka wilikī a me ke kāhiʻonaina ma Royal Lahaina Resort and Bungalows, a ma muli o kēia nīele, ua ʻike leʻa ʻo ia, he pono kona hoʻolālā koke ʻana i kahi hoʻolālā kanu hou. 

ʻO Sparkman a me Matthew Murasko, he mea pikineki a he kālai huahana ʻo ia, na lāua i hoʻomaka i ka hui hoʻopuka waiwai ʻole ʻo ma Novemapa. ʻO kona mākia, ʻo ia nō ka hoʻōla ʻana i nā kumu i koe a me ke kanu ʻana i nā kumu hou ma Lahaina me Kula, a ua ʻā nā ʻeka he 2,179 a he 202 ma ia mau ʻāina ponoʻī. 

Ma o nā haʻawina kālā, ua hoʻokumu ʻo Treecovery Hawaii i kekahi mau wahi hoʻūlu lāʻau ma Maui i kanu ʻia ai nā ʻanoʻano he mau kaukani, e laʻa kekahi lālā o ke kumu paniana i ulu ai nā aʻa hou. Ke mālama ʻia nei ia lālā ma ko Marriott Maui Ocean Club ma Kāʻanapali.

I ka wā e hiki mai ana, makemake ʻo Treecovery Hawaii e kūʻai ʻāina ma Maui Waena no kekahi kīhāpai hoʻoulu mea kanu nui.

“Pēlā nō e lako ai nā kumu nui ke hoʻi mai nā kānaka, e lako mai ana nā kumu i loaʻa ai ka huaʻai a me ka malu,” wahi a Sparkman. 

Kuhi ʻo ia, he $6 miliona ke kumukūʻai no ke kanu ʻana i nā kumu huaʻai ma nā hale e kūkulu hou ʻia ana ma Lahaina me Kula. 

Wahi a Sparkman, loaʻa ke kālā mai ke , maiā a me nā kumu waiwai ʻē aʻe. Ua hāʻawi ʻē ʻia mai kekahi mau kālā, akā, ke paipai aku nei ʻo ia i nā luna hana a me ka lehulehu e hoʻouna noi palapala no ka haʻawina kālā. 

Ua hōʻea mai nā hui ʻē aʻe o nā ʻaʻa kauka lāʻau, e laʻa ʻo Lahaina Treescape Restoration Project a me ReGreen Lahaina. Kākoʻo ʻia lākou e nā hui pikineki kamaʻāina a me nā hui ʻē aʻe ma o ka hoʻohāinu ʻana i nā kumu i koe a me ka hānai kīpulu ʻana i nā kumu koʻikoʻi, e laʻa ke kumu paniana nui ma a me ke kumu ʻulu ma waho o ka Hale Hōʻikeʻike o Baldwin. 

ʻO Abraham Jauregui, kekahi ʻona o Brothers Landscaping, ʻo ia nō kekahi o nā kānaka nāna e hoʻohāinu nei i ke kumu paniana a me nā kumu ʻē aʻe, me ka hāʻawi ʻana aku i ke kīpulu a me ka Safari, he lāʻau pepehi koʻe. 

“He lāʻau kīpaku mū nō ia,” wahi a Jauregui. 

Mahuʻi ʻia, e paʻahana loa ana ke kauka lāʻau hoʻokahi i hai ʻia e ke kalana ma muli o ke kanu hou ʻana ma Lahaina me Kula, kahi i ʻā aku ai nā kumu he 150,000. 

ʻO Johnson, ka luna noho o ke Agriculture, Diversification, Environment and Public Transportation Committee, nāna e paipai i ke kalana e hai i kekahi kauka lāʻau ʻē aʻe ma mua o ke ahi. 

Ua ʻo ia iā Meia Richard Bissen i kēlā makahiki aku nei no ka noi ʻana i ke kālā no ke kūlana ʻoihana. ʻŌlelo maila ʻo Johnson, ʻaʻole ʻo ia i pane ʻia, a ma kā Bissen moʻohelu kālā no ka makahiki 2025, ʻaʻohe kālā no kekahi kauka lāʻau ʻē aʻe. 

Ua kākau ʻo Johnson i kekahi pākuʻina moʻohelu kālā me ka manaʻolana, e ʻāpono ʻia ana, i hiki ke kōkua ʻia ke kauka lāʻau ʻo Timothy Griffith. Ma kekahi i hoʻouna ʻia iā Johnson, ua kākau ʻo Kate Blystone, ka Luna Hoʻolālā, kākoʻo ʻo ia i ka manaʻo, a makemake ʻo ia e hana ke kauka lāʻau hou ma lalo o kāna keʻena. 

Ke hōʻea ka wā e kūkulu hou ʻia ai ʻo Lahaina, e pono ana ke kalana i hoʻokahi lima hou aku a ʻoi me ka ʻike i pili i nā kumu like ʻole a me ke kāhiʻonaina a me ka mahalo i ko Lahaina moʻolelo, ʻo ia hoʻi kona kū ʻana me he piko lā o ke Aupuni �Ჹ�ɲ���ʻ��, wahi a Johnson. 

“Ke ʻike aku kākou i ke kūkulu hou ʻana iā Lahaina, ke kaona, makemake ʻia kona kohu me kona moʻolelo moʻomeheu. ʻO ka ʻulu ke kumu o Lahaina. He mea nui kēia ma ke kūkākūkā ʻana i ke kūkulu hou ʻana i ke kaiāulu o kākou,” wahi a Johnson. 

Wahi a Randy Wagner, kekahi kaha kiʻi hale no Kīhei e hana nei ma lalo o Maui Green and Beautiful, loaʻa i ke kalana kekahi puke alakaʻi no ke kanu ʻana i kākau ʻia e Ernest Rezents, he polopeka mahiʻai i hoʻomaha loa mai ke Kulanui o Maui, a ua hala loa ʻo ia. 

Ma loko o ka hoʻolālā he 243 ʻaoʻao, ʻo ia nō ka ʻōlelo aʻoaʻo i pili i ke ʻano o nā lāʻau e kanu ai ma Maui, kahi kūpono, ke kōwā a me ka mālama e pono ai ia mau lāʻau. 

Wahi a Wagner, makemake ʻo ia e koi i kēia hoʻolālā ma kahi o ka paipai wale ʻana. 

“He waihona ʻike nui nō ia,” wahi a Wagner. 

Ma muli o ka luku ʻia ʻana o nā pauma a me nā paipu wai e ke ahi, ke puapuaʻi nei ka wai honua ma ka ʻili lepo ma nā wahi like ʻole o Lahaina. Ke ulu nei ka mauʻu, a ke kupu nei nā kumu ʻulu i ʻō a i ʻaneʻi. Ma muli o ka ulu hou ʻana, ʻo kēia nō ka wā e hoʻolālā aku ai i ko Lahaina hiʻona ʻāina ma ka wā e hiki mai ana, wahi āna. 

Ma ke kaona i kapa mua ʻia ʻo ka Venice o ka Pakipika, he pono anei kona hiʻona e kū i kohu like me kona hiʻona ma mua o ka hiki ʻana mai o nā haole, ʻo ia hoʻi kahi i uluāhewa ai na kumu ʻōiwi? E kanu ʻia ana anei nā kumu haole me nā pua nani, a i ʻole nā kumu e nui aʻe ai ka malu? ʻO kēia nō kekahi o nā nīnau no nā kamaʻāina no Maui Komohana e pane aku ai. 

Akā, pōmaikaʻi ʻo Maui, no ka mea, he kumu waiwai kona no ke koho maikaʻi ʻana — ʻo ia hoʻi ka puke alakaʻi kanu kumu i kākau ʻia e ka polopeka mahiʻai mai ke Kulanui o Maui mai, wahi a Wagner. 

ʻO kā Civil Beat kūkala nūhou ʻana i pili i ke Kalana o Maui, ke uku hapa ʻia nei e kekahi haʻawina kālā mai ka Nuestro Futuro Foundation. 

ʻO kā Civil Beat kūkala nūhou ʻana i pili i nā kumuhana ʻāina ma Maui, ke uku ʻia nei e nā haʻawina kālā mai ka Center for Disaster Philanthropy a me ka Hawaii Wildfires Recovery Fund, ka Knight Foundation, a me ka Doris Duke Foundation. 

Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.