Eia Ke Kumu No Ke Kāpae ʻIa ʻAna O Ka Hui Kūkulu Hale O Ka Mokuʻāina
Ke lilo nei ua hui nei maiā Build Beyond Barriers Working Group iā Ჹɲʻ Housing Finance and Development Corp.
Kā ka luna hoʻoponopono nota: Unuhi ʻia na Ākea Kahikina.here to read this article in English.
Wahi a ke Kiaʻāina ʻo Josh Green, ʻo ke kāpae ʻana i ka hui hana, ʻo ia hoʻi ka hui nāna i hoʻokumu ʻia no ka hoʻowikiwiki ʻana i ke kūkulu hale, he hōʻailona ia kāpae ʻana no ka hoʻolilo ʻana e holo ana ma nā mahina i hala aku nei. ʻO ka manaʻo lehulehu a me ka hana a nā mea kau kānāwai no ka hoʻoponopono ʻana i kēia pilikia, ka mea hoʻi a ke kiaʻāina i hoʻoponopono ʻē aku ai ma o kekahi ʻōlelo hoʻolaha pōpilikia, ʻo ia nō ka mea e waiwai ʻole ai ua hui hana nei, wahi āna.
Ua hoʻolaha maila ʻo Green ma ka Pōʻalima, ke hoʻoili aku nei ʻo ia i ke kuleana o ka Build Beyond Barriers Working Group iā Ჹɲʻ Housing Finance and Development Corp.
Na kēia ʻōlelo hoʻolaha pōpilikia e hoʻopakele aku i kekahi mau hui kūkulu hale ma ka uku ʻana i nā uku hopena kula aupuni a me nā ʻauhau pikineki ponoʻī, a me nā uku no nā pāka kalana a me ka wai lepo, ke ʻāpono ʻia e ke kalana.
Akā, ʻaʻole like ka holomua ʻana ma kēia hana me kā Green hana ma mua me kāna papa luna hoʻokele no ka hoʻokō ʻana i ka makemake a nā mea koho pāloka i pili ko Ჹɲʻ pōpilikia hoʻohale. Wahi a Green ma kekahi nīnauele i ka Pōʻakahi, ua lanakila ka hui hana ma ka ʻimi ʻana i nā pilikia a me nā haʻina.
Mau nō ka pahuhopu a ka papa luna hoʻokele, wahi āna: e kūkulu i nā hale he mau ʻumi kaukani no ka hoʻoponopono ʻana i ka pōpilikia hoʻohale, ke kumu hoʻi no ka haʻalele mau ʻana o nā kamaʻāina he nui.
“Hoʻokahi kuanaʻike oneʻi: pono ke kanaka i ka hale,” wahi a Green. “Pono kākou e kūkulu hale, o haʻalele loa auaneʻi ko kākou mau ʻohana kamaʻāina he nui.”
Akā, ʻo ka HHFDC ka hui luna hou, a ʻo Dean Minakami ka luna hoʻolālā hou, he loea ʻo ia nāna i alakaʻi i nā hui nui e laʻa ʻo Alexander & Baldwin a me Castle & Cooke.
Nui ka namunamu ʻana o nā hui kūkulu hale i pili i ko Ჹɲʻ kānāwai hoʻohana ʻāina a me ka lohi a me ka ʻapakeʻe o ka pākulekele, ka mea nāna i hoʻolohi i ke kūkulu hale ʻana. ʻO nā hui aupuni ʻole naʻe, na lākou nō i hōʻike mai, he pono nō nā kānāwai no ka hōʻalo ʻana i ke kūkulu a hulikua wale ʻana, a ʻo kekahi mea ʻē aʻe, ʻo ka hapanui o nā hale i kūkulu ʻia, e kūkulu ʻia nei no nā kānaka waiwai a me nā mea hoʻopuka waiwai mai nā ʻāina ʻē.
Ua Kīpaku ʻIa Ka Luna Kūkulu Hale Ma O Ka Hana ʻIno ʻAna
ʻO kā Green i pili ka hoʻohale ʻana, nāna i hoʻololi loa i nā kānāwai hoʻohana ʻāina, e laʻa ka hoʻolahilahi ʻana i nā lula no ka mōakāka ʻana o ka hana aupuni i ka lehulehu, ka mālama ʻāina ʻana a me ka mālama i nā koena kuʻuna. Ua hoʻoili ʻia ka mana ʻāpono he nui ma luna o ka hui hana, a ma ia hui, aia nō nā luna o ka mokuʻāina me ke kalana, a me nā ʻelele o nā NGOs, e laʻa ka Sierra Club.
Ua hoʻohalahala nui ʻia ka hui e nā mea loiloi, ka mea nāna i ʻōlelo maila, kūpono ʻole kā Green hana, a ʻo nā pilikia hoʻohale o ka mokuʻāina, i loko nō o ke koʻikoʻi, ʻaʻole nō ia he pōpilikia e kūpono ai ka ʻāpono wale ʻana i nā kānāwai ma o kekahi ʻōlelo hoʻolaha. Ua kūʻēʻē maila ka Sierra Club, i loko nō o kona kūlana ma loko o ka hui hana.
ʻO Nani Medeiros, ʻo ia hoʻi kā Green luna kūkulu hale i koho ʻia no ka noho luna ʻana ma ka hui, nāna i haʻalele maila ma Kepakemapa, i mau wahi mahina hoʻi ma hope pono o kona hoʻomaka ʻana i ka ʻoihana, ma o nā ʻōlelo ʻino i pili i kona manaʻo politika a me kona ʻano ponoʻī. A, mai laila aku, ua hōʻemi ʻo Green i nā hoʻopakele ʻana i ʻāpono ʻē ʻia ma kāna kauoha mua ma o kekahi pūkaʻina o nā ʻōlelo hoʻolaha pōpilika, a ʻo ka muli o ia mau ʻōlelo hoʻolaha, aia nō i kēlā pule aku nei. Na kēia ʻōlelo i kāpae i ka hui hana a hoʻoneʻe ʻia hui ma lalo o ka HHFDC.
Ua hōʻike mai nā luna o ka papa luna hoʻokele, ke ʻimi nei nā mea kau kānawai e hoʻololi i ke kaʻina hana o ka ʻahaʻōlelo.
Wahi a Scott Glenn, ʻo ia hoʻi kā Green luna hoa aʻoaʻo no nā mea pekelala, ke aniau, a me ka hoʻohale ʻana, ua hāpai nā mea kau kānāwai i nā pila he 20 ma kēia kau ʻahaʻōlelo no ka hoʻonohonoho ʻana i nā haʻina no nā ālaina hoʻohale i hōʻike ʻia e ka hui hana a me nā ʻōlelo hoʻolaha pōpilikia.
Aia kekahi pila e holomua nei ma ka Hale, a na kēia pila e hoʻopakele i kekahi mau pā kūkulu hale i nā kula i noho kokoke i ke kūkulu ʻana, a na e hoʻopakele i ke Keʻena o ka ʻĀina Hoʻopulapula Ჹɲʻ ma ka uku ʻana i nā ʻauhau pikineki ponoʻī. ʻO kekahi mau pila, na lākou nō e ʻāpono i nā kūkulu keʻena i pā hale.
Ua kālele mai ʻo Minakami ma kekahi nīnauele, ʻo nā papahana a HHFDC i hiki ke hoʻopakele ʻia, e koi ʻia ana ke kūʻai ʻia aku ʻana o nā hale he nui ma lalo o ke kumukūʻai mākeke.
Eia hou, wahi āna, ma lalo o ke kauoha hou, no kēia mau papahana, pono e hoʻokaʻawale i nā hale he 60% ma ke kumukūʻai “ʻuʻuku” no nā kānaka i loaʻa ai 140% a emi aku o ka helu kūwaena o ka māhele ʻāina. ʻO ia nō nā kānaka noho hoʻokahi me ke kālā he $128,380 a emi aku a me nā ʻohana he ʻehā kānaka me ke kālā he $183,400 a emi aku, wahi a HUD.
Ke hoʻohana ʻia nā helu kuwala kūikawā, he 6.5% hoʻi ma Honolulu, he $712,700 ke kumukūʻai no kekahi hale no ʻehā kānaka, a he $498,000 no kekahi hale no hoʻokahi kanaka, wahi a HUD, ma ka makahiki 2023.
“He mea ia no ka ʻohana he ʻano limahana,” wahi a Minakami.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
