Na Kēia Kikowaena Hou E Kōkua I Nā Hui Nāna E Kiaʻi Nei I Ko Ჹɲʻ Wai
Na kekahi haʻawina kālā pekelala he $3.2 miliona e kākoʻo nei i ua kikowaena nei.
Kā ka luna hoʻoponopono nota: Unuhi ʻia na Ākea Kahikina.here to read this article in English.
ʻO nā hui nāna e kiaʻi nei i ko Ჹɲʻ kumu wai, hiki iā lākou ke kipa i kahi kikowaena hou no ka hoʻopaʻa kālā pekelala ʻana no nā papahana a me ka hoʻomaʻamaʻa ʻoihana.
ʻO ka Hawaiian Islands Environmental Finance Center a ka Ჹɲʻ Community Foundation, ʻaʻole nāna e hāʻawi kālā ana, wahi a Dana Okano, ʻo ia hoʻi ka luna o ke kikowaena. Akā naʻe, na ia kikowaena e hāʻawi mai i ke kōkua ʻenehana a me ka paipai ʻana i nā hui nāna e ʻimi kālā pekelala nei i hoʻokaʻawale ʻia no nā papahana wai.
“Nui nā ālaina ma ka ʻimi kālā pekelala ʻana,” wahi a Okano. Makemake ke kikowaena e hoʻomaʻalahi i ke kaʻina hana ma ka wā e ʻimi kālā nei ke kanaka.
No ka hoʻokō ʻana i ka papahana, ua hoʻopaʻa maila ka Ჹɲʻ Community Foundation i haʻawina kālā he $3.2 miliona mai ka U.S. Environmental Protection Agency. ʻO kēia nō kekahi o nā kikowaena he 29 i hoʻokumu ʻia ma o ke kālā mai ka Bipartisan Infrastructure Act, ka mea a Pelekikena Joe Biden i hoʻoholo aku ai ma ka ʻAhaʻōlelo ma ka makahiki 2021.
Penei ka nuʻukia o nā kikowaena: e kōkua ʻenehana aku i nā hui ʻano like ʻole, e laʻa ke ʻano he aupuni kamaʻāina, he mokuʻāina, he Lāhui, he Kelikoli, a he ʻano aupuni ʻole nāna e kiaʻi nei i ke olakino lehulehu, e kiaʻi nei i ka ʻāina, a e hoʻoholo aku nei i ka pono o ka ʻāina.”
Aia ma no ka hoʻopuka waiwai ʻana ma ka wai inu, ka wai lepo, ka hoʻohana hou ʻana i ka wai, ka hoʻohalihali wai ʻana a me ka ʻōnaepuni mālama wai.
“Ma Ჹɲʻ nei, he kumu waiwai lua ʻole ka wai, he pono hoʻi ia no ka hana kuʻuna a ma ke ola ehuehu o nā kaiaola mai uka a i kai,” wahi a Micah Kāne, ka pelekikena a me ka luna hoʻokō o Ჹɲʻ Community Foundation, ma kekahi ʻōlelo i hoʻolaha ʻia. “Pono ka wai no ke ola ʻana o nā ʻohana kamaʻāina, a pono hoʻi ka ʻōnaepuni hale kumukūʻai ʻuʻuku, i hiki i nā kānaka ke noho paʻa ma Ჹɲʻ nei — a pono nō hoʻi kekahi ʻōnaehana wai hoʻopōʻaiapuni no ka hoʻokō ʻana i kēlā koina.”
He Hoʻomaʻamaʻa ʻOihana Ko Ka Papahana
Makemake hoʻi ke kikowaena e kūkulu i ko Ჹɲʻ nui limahana mālama wai, a ʻo ka hehi mua, ʻo ia ka hana pū ʻana me ka University of Hawaii Economic Resource Organization a me ka University of Hawaii Water Resources Research Center no ka nānā pono ʻana i nā hakahaka ma ka nui limahana a me ka waele ʻana i mau alahele laʻana ma ka pā ʻoihana wai.
Eia hoʻi, na ka Ჹɲʻ Water Workforce Program e kono aku i 10 moho i kēlā me kēia makahiki no ka hoʻomaʻamaʻa ʻana ma o ka hana he piha manawa me nā keʻena aupuni kamaʻāina a me nā hui pono wai like ʻole.
Kūlike ka wehena o ke kikowaena me nā kūkākūkā a nā luna aupuni i pili i ka hoʻoikaika ʻana i ka ʻōnaepuni wai ma hope o ka hanini ʻana o ke kakolina mokulele ma ka Red Hill Bulk Fuel Storage Facility o ko ʻAmelika Pūʻali Kaua Moana ma Oʻahu nei. Ua hōʻike pū maila nā ahi o ka lā 8 o ʻAukake ma Lahaina i ka pono no ka maikaʻi o nā ʻōnaehana wai.
Mai ka makahiki 2013 aku, ke hana nei ka a ka hui kahua kaiāulu e hoʻonui mai i ka waihona wai o ka mokuʻāina ma o ka mālama ʻāina ʻana, ka hoʻolako hou ʻana i nā waihona wai, a me ka hoʻohana hou ʻana i ka wai lepo. Hiki i ka Hawaiian Islands Environmental Finance Center ke hoʻākea aʻe i kēlā mau ʻano hana.
ʻO kekahi o nā hui i kōkua ʻē ʻia e ke kikowaena, ʻo ia nō ka Mauna Kea Watershed Alliance, ka mea nāna e “kiaʻi a hoʻoikaika i nā kaiaola wai honua, ka nui ʻokoʻa lāhulu a me nā kumu waiwai ma o ka mālama pono ʻana a me ka paipai ʻana i ka hoʻokele waiwai nāna e hoʻomau i ka ʻāina, a me ka hāʻawi ʻana aku i nā manawa kūpono no ka hana leʻaleʻa, ke kōkua ponoʻī, ka hoʻonaʻauao, a me ka noiʻi ʻana.”
Eia mai nā pakanā: ke Keʻena ʻĀina me Nā Kumuwaiwai Kūlohelohe, ke Keʻena ʻĀina Hoʻopulapula Ჹɲʻ, ke Kula ʻo Kamehameha, Hakalau Forest National Wildlife Refuge a me Parker Ranch.
Wahi a Cheyenne Hiapo Perry, ka luna hoʻonohonoho o ka Mauna Kea Watershed Alliance, he koʻikoʻi ke kōkua ʻana mai o ke kikowaena ma ka wā i hoʻopaʻa aku ai ka hui hoʻokuʻikahi i kekahi haʻawina kālā pekelala i kēlā makahiki aku nei, ka wā hoʻi i wehe aʻe ai ua kikowaena nei.
“Ua alakaʻi mai ka hui iā mākou ma ke kaʻina hana o ke kākau palapala noi ʻana, ka hoʻoponopono ʻana i ua palapala noi nei, a me ke kākau ʻana i moʻolelo maikaʻi loa i hōʻike leʻa ʻia ai ka hana ma Mauna Kea, a ʻo ka hoʻoikaika ʻia maila nō ia o ka palapala noi,” wahi a Perry ma kekahi ʻōlelo i hoʻolaha ʻia.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
