ʻO Ka Nele ʻAna I Nā ʻAnoʻano ʻŌiwi ʻOle, Nāna I Hōʻeuʻeu I Ke Kanu Hou ʻAna I Nā Mauʻu Haole E Hoʻā Maʻalahi ʻIa
Hoʻopūʻiwa kēia papahana i nā luna i koho pāloka ʻia a me nā hui mālama ʻāina nāna e hoʻoponopono ʻē aku ana i ka pilikia ʻanoʻano ʻōiwi.
Kā ka luna hoʻoponopono nota: Unuhi ʻia na Ākea Kahikina. Click here to read this article in English.
ʻO ka papahana a ka U.S. Department of Agriculture no ke kanu hou ʻana i nā ʻanoʻano o nā mauʻu haole ma ko Maui ʻāina i ʻā aku nei, nāna nō i hōʻike mai i ka lawa ʻole o ka hana a ko Ჹɲʻ e mālama mai i nā ʻanoʻano ʻōiwi no ke kanu ʻana ma ka pae he ʻāina kumu wai.
Ke hoʻopilikia ʻia nei kekahi māhele ʻāina o Lāhainā me Kula e ka holo kelewai nui ke hiki mai ka ua nui, ʻoiai, ua ʻai ke ahi he nui ma ka lā 8 o ʻAukake i ka nāhelehele i paʻa ai ka lepo uhi.
ʻO ka papahana i hāpai ʻia e kā ka USDA Natural Resources Conservation Service, ʻo ia ka i hoʻopūʻiwa i nā alakaʻi o nā hui lāhulu haole o kēia ʻāina nei, nā lālā o ka ʻAha Kalana o Maui a me nā luna mokuʻāina ma kona wā i hōʻike ʻia ai ma kēlā pule aku nei.
Wahi a Alice Lee, ke poʻo o ka ʻAha, “he ʻikepili hoʻoweliweli kēia” ma kona wā i nīele ʻia ai ma ka ʻaha kūkā i ka Pōʻahā.
Wahi a Tamara Paltin, kekahi lālā o ka ʻaha nāna e lawelawe iā Maui Komohana, lana kona manaʻo, e kūkā pū ana nā mālama ʻāina a me ke kaiāulu e noho ana ma nā ʻāina e hoʻopilikia ʻia nei.
“ʻAkahi nō wau a lohe, no ka hoʻopaʻa ʻana i ka lepo, pono ke kanu hou ʻana i nā mauʻu haole nāna i hoʻonui i ke ahi,” wahi a Paltin ma ka Pōʻahā. “ʻAʻole au ʻike inā ua hōʻoia ʻia kēia manaʻo e ke kaiāulu.”
Ua hoʻoholo ʻē ʻia nā hana no ka hoʻoponopono ʻana i nā māhele ʻāina i ʻā ma o nā nāhelehele ʻōiwi a haole hoʻi. ʻAʻole kānalua nā alakaʻi kaiāulu i ka pono no ka hōʻemi ʻana i ka ʻaʻai lepo, akā, he pilikia nui ke kanu hou ʻana i nā mauʻu haole.
Pono nō ke hāpai ʻia ka papahana i mua o nā ʻona ʻāina i pili i kēia ʻāina, wahi a nā luna pekelala ma ka Pōʻakahi, a he mau hoʻolālā ko laila no ke kūkā ʻana me nā keʻena o ke kalana a me ka mokuʻāina.
ʻO ka pahuhopu, ʻo ia nō ka hana pū ʻana a DLNR, ko Ჹɲʻ Keʻena ʻOihana Mahiʻai a me ke Kalana o Maui no ka holomua ʻana, wahi a Michael Constantinides, ka Hope Poʻo o ka ʻEnehana ma NRCS a ka USDA.
Mālama ʻia ka NRCS ma lalo o ka , a ke alakaʻi ʻia e nā Soil and Water Conservation Districts o Maui Waena a me Olinda-Kula.
“ʻAkahi, e ʻimi ana mākou i nā lāhulu i loaʻa i ʻaneʻi. E liʻiliʻi ana nō ka loaʻa. He mea nō ia a kākou e hoʻomaopopo ai,” wahi a Constantinides ma kekahi nīnauele i ka Pōʻakahi.
Maliʻa paha, e lawe ʻia mai ana ke koena o ka makelia lāʻau mai ʻAmelika mai.
I loko nō o ke kumu, e hana ana nō ka USDA i ka hōʻike “e kāpae ʻia ai ka nāhelehele ʻino a me nā lāhulu ʻē aʻe i makemake ʻole ʻia,” wahi a Constantinides.
ʻAʻole i hōʻike ka USDA i ka lāhulu kikoʻī e noʻonoʻo ʻia no ke kanu hou ʻana, akā, ʻaʻole ia e paipai ana i ka lāhulu “i malihini a kākaʻikahi loa i kēia ʻāina,” wahi āna.
Mahuʻi ʻia ka hoʻolaha ʻana i ka ʻikepili hou aku i kēia mau pule e hiki mai ana.
Ko Ჹɲʻ Pono I Ka ʻAnoʻano
ʻIke nā mālama ʻāina he nui ma kēia mokuʻāina i ka pilikia o kēia papahana: ʻaʻole lawa ka nui o nā ʻanoʻano i mālama ʻia no ka hoʻōla ʻana i nā ʻeka he mau kaukani.
“Inā loaʻa ka ʻanoʻano pili he nui a hiki ke waiho ʻia mai laila, he maikaʻi loa kēlā, akā, ʻaʻole pēlā ka loaʻa,” wahi a Clay Trauernicht, he noiʻi ahi ʻāhiu ma ke Kulanui o Ჹɲʻ.
Akā, no kēia mau kekeke i hala aku nei, kālele ka mālama ʻāina ʻana i nā lāhulu lāʻau kākaʻikahi a ʻane halapohe ma Ჹɲʻ, ʻaʻole “nā lāhulu i laha loa,” wahi a Matthew Keir o ko Ჹɲʻ Division of Forestry and Wildlife.
Wahi a Keir, ua hōʻike pono ʻo ia me kona mau hoa hana i kēia nele ʻanoʻano ma mua.
“ʻAʻohe pūʻiwa, ʻeā? ʻO ia nō kā mākou e hōʻike mai nei: ʻAʻohe o kākou makelia lāʻau ʻōiwi e kuapo ʻia no ka (lāhulu haole),” wahi a Keir.
ʻO nā lāʻau lio hana — e laʻa ka ʻōhiʻa — na lākou nō e hoʻokahua i nā kaiaola ʻōiwi, akā ʻike leʻa nā hui mālama ʻāina, ʻaʻole lawa ka waihona ʻanoʻano no ka hoʻōla ʻia ʻana o nā lāhulu e emi mai ana.
“ʻAloha ʻino; na ke ahi i hōʻike mai i kā kākou hana ʻole ʻana i ka hana i pono ai ma Maui.”
Matthew Keir, he kālailau nahele me ko Ჹɲʻ Division of Forestry and Wildlife
Noke mau ka pūʻulu o nā pilikia ma ka ʻāina ma hope o ke ahi ma ka lā 8 o ʻAukake, e laʻa ka nui o nā kia he axis, ka mea nāna e ʻai iho ana i ka lāʻau haole.
Wahi a Constantinides, ʻaʻole i ana ka NRCS i ka waihona ʻanoʻano o nā lāhulu i pilikia i ke ahi, akā, ua ʻike ia keʻena ma Pūlehu, “he ʻaneʻane 100%” ka nui o nā mauʻu haole e ʻai ʻia iho nei e nā kia, no ka mea, ua hoʻonāwaliwali ʻia ua mauʻu nei e ke ahi.
Maliʻa paha, e hana ʻia ana nā papahana kūkulu pā ma kēia papahana māhele ʻāina a NRCS, ka mea hoʻi i koi ʻia ai ka ʻāpono ʻana a ka USDA ma ke kikowaena aupuni.
“Hoʻopilikia nui ʻia ka mauʻu, a inā mau nō ka ʻai ʻia ʻana e nā kia, e make loa auaneʻi ia mauʻu, a ʻaʻohe ana lāʻau ola ma laila,” wahi a Constantinides.
ʻO nā hana a pau i hāpai ʻia ma ka papahana, “ʻaʻole nō e hana ʻia ana me ka ʻole o ka ʻaelike ʻana o nā ʻona ʻāina,” wahi āna.
He Pūkaʻina Kūikawā no ʻHawaii Grown’
Na kēia pūkaʻina kūikawā e nānā pono nei i ka mea e pono ai ko Ჹɲʻ hoʻēmi ʻana i ke kaukaʻi ʻana i ka meaʻai i hoʻokomo ʻia a me ko Ჹɲʻ hoʻonui ʻana i ka mahi ʻana i kāna meaʻai ponoʻī.
Wahi a Mae Nakahata, ke poʻo o ka Soil and Water Conservation District no Maui Waena, ʻo ka papahana no ke kanu ʻana i nā mauʻu haole, e laʻa ka buffelgrass, e pili ana nō ia papahana i nā wahi hānai pipi i pilikia i ke ahi, ʻaʻole i nā wahi ʻē aʻe, e laʻa ka ʻāina kanaka ʻole a puni ʻo Lāhainā.
Ma kēia pōʻaiapili, “ʻAʻole wau e kapa ana aku i kēia lāhulu he haole; he lāhui waiwai naʻe ia no ka ʻai na ka pipi,” wahi a Nakahata.
Eia naʻe, ʻoiai, hiki i ka buffelgrass ke ulu a laha me ka wikiwiki, i loko nō o ka wā maloʻo, ua manaʻo ʻia, ʻo kēia nō ka ʻanoʻano ʻoi loa no ke kanu ʻana i mea e emi ai ka maloʻo a e ulu hou ai ka ʻai na ka pipi ma nā wahi hānai pipi i pilikia i ke ahi, wahi a Nakahata.
“Ma hope, hiki ke hoʻomohala i ka ʻāina, akā, i kēia manawa, loaʻa ka pale wikiwiki, ʻo ia hoʻi ka mea i pono ai ko mākou nohona,” wahi āna.
E hāpai ana paha ka USDA i “nā lāhulu kūikawā e hoʻohui ʻia ana me nā mea ʻē aʻe,” no ka mea, pēlā nō e hana ʻia ai ma ke aupuni, a “liʻiliʻi loa ka pahiki e laha ai ua mau lāhulu nei,” wahi a Constantinides.
Mālama ka i kekahi papa helu o nā lāhulu ʻōiwi like ʻole he 78, a hiki i kēia mau lāhulu ke kōkua i ka hoʻōla ʻāina ʻana ma ka pae nui, e laʻa ke koa, ka ʻōhiʻa, ka ʻaʻaliʻi, a me ka mauʻu he pili a he kāwelu.
Akā, ʻo nā waihona ʻanoʻano he 16 ma lalo o kāna Ჹɲʻ Seed Bank Partnership, ke mālama ʻia nei e nā hui mālama ʻāina nāna e waiho i nā ʻanoʻano no kā lākou polokalamu ponoʻī, ʻaʻole no ka pilikia o Maui, wahi a Kimberly Shay, ka luna kūkākūkā o Laukahi.
, i hiki ke hoʻomaopopo ʻia ka mea e pono ai nā kaiāulu mālama ʻāina ma ka hoʻōla kaiaola ʻōiwi, e laʻa ka hana ma ka pae nui ma hope o ke ahi.
Koi kēia hana i nā hui o nā mea ʻohiʻohi no ka ʻimi ʻana i nā ʻanoʻano kūpono no ke kanu ʻana ma nā aniau a me nā hiʻona ʻāina like ʻole a me nā waihona kūpono no ka waiho ʻana.
Wahi a Keir, koi kēia hana i kekahi moʻohelu kālā hana he mau miliona kālā, me kekahi uku hoʻopuka mua he $10 a $15 miliona no ka hoʻolako ʻana i nā ʻanoʻano a me ka haku ʻana i kekahi waihona waena no nā ʻohiʻohina nui.
“Loaʻa paha iā mākou ka noiʻi ʻanoʻano ʻōiwi he 30 makahiki nāna e hōʻike aku ana i ke alahele kūpono, wahi a Keir. “Makemake loa mākou e holomua me ka ʻeleu mikimiki. ʻAloha ʻino; na ke ahi i hōʻike mai i kā kākou hana ʻole ʻana i ka hana i pono ai ma Maui.”
ʻO kā Civil Beat kūkala nūhou ʻana i pili i ka hoʻohuli aniau, ke uku ʻia e ka Environmental Funders Group o ka Ჹɲʻ Community Foundation, Marisla Fund o ka Ჹɲʻ Community Foundation a me ka Frost Family Foundation.
ʻO “Hawaii Grown,” ke uku hapa ʻia e nā haʻawina kālā maiā Ulupono Fund ma ka Ჹɲʻ Community Foundation a me ka Frost Family Foundation.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
