Hoʻolako ʻO Oprah Lāua ʻO Dwayne Johnson I $1,200 I Kēlā Me Kēia Mahina No Nā Kānaka I Koe Ma Hope O Ke Ahi Ma Maui

Ua hoʻopuka ʻia ka People’s Fund of Maui me kekahi haʻawina kālā he $10 miliona.

By /
Reading time: 6 minutes.

Ua hoʻopuka ʻia ka People’s Fund of Maui me kekahi haʻawina kālā he $10 miliona.

Kā ka luna hoʻoponopono nota: Unuhi ʻia naĀkea Kahikina.hereto read this article in English.

Ma hope o ke kūkākūkā ʻana me nā alakaʻi kaiāulu, ua hoʻomaka ʻo Oprah Winfrey lāua ʻo Dwayne Johnson i kekahi waihona kālā no nā kānaka i koe ma hope o ke ahi ma ka lā 8 o ʻAukake ma Lāhainā a me Kula.

ʻO ka People’s Fund of Maui, ka mea nāna i hoʻopuka ʻia ma ka Pōʻahā me kā lāua haʻawina kālā he $10 miliona, ua hoʻomaka ʻia no ka hāʻawi ʻana i $ e noho nei ma nā wahi i hoʻopilikia ʻia a i loaʻa ʻole iā lākou nā home ma muli o ke ahi, wahi a kekahi hoʻolaha nūhou.

  • Civil Beat stories ma ka ʻōlelo Ჹɲʻ

    ‘Ka Ulana Pilina’ is an ongoing collection of news articles and opinion pieces written in the Hawaiian language to better connect with our Indigenous readers, identify underreported stories and improve our engagement with an underserved community.

Read All

“Ua hālāwai maila au me nā kānaka like ʻole ma ke kaiāulu nāna i hoʻopilikia ʻia e nā ahi ma kēlā mau pule i hala aku nei, me ka nīele ʻana aku hoʻi i ka mea ʻoi loa e pono ai lākou a me koʻu kākoʻo ʻana iā lākou,” wahi a Winfrey ma kekahi nūhou i hoʻolaha ʻia. “ʻO ka mea nui aʻu e lohe nei, ʻo ia nō ko lākou hopohopo i ka holomua ʻana i loko nō o ke kaumaha kālā he nui. Ua huliāmahi mai ke kaiāulu ma nā ʻano maikaʻi he nui, a ʻo koʻu makemake, ʻo ia nō koʻu kōkua ʻana i nā kānaka i hoʻopilikia ʻia ma ko lākou wā e hoʻopaʻa nei i ke ʻano a lākou e kūkulu hou aku ana no lākou iho.”

Oprah Winfrey, left, and Dwayne Johnson consulted Maui community leaders including Hokulani Holt-Padilla before announcing Thursday the creation of a new fund to give those displaced by the Aug. 8 wildfires in Lahaina and Upcountry $1,200 per month during the recovery effort. (Courtesy: People's Fund of Maui/2023)
Eia ʻo Oprah Winfrey, ma ka ʻaoʻao hema, a me Dwayne Johnson ke kūkākūkā nei me nā alakaʻi kaiāulu o Maui, e laʻa ʻo Hokulani Holt-Padilla, ma mua o ka hoʻolaha ʻana i ka hoʻomaka ʻia ʻana o kekahi waihona kālā hou ma ka Pōʻahā no ka hāʻawi ʻana i $1,200 i kēlā me kēia mahina i nā kānaka i hoʻoneʻe ʻia e ke ahi ma ka lā 8 o ʻAukake ma Lāhainā a me Kula ma ka wā e kūkulu hou ʻia ana ke kaiāulu. (Courtesy: People’s Fund of Maui/2023)

ʻO nā alakaʻi kaiāulu, e laʻa ʻo Hokulani Holt-Padilla, Kealiʻi Reichel, Archie Kalepa, Ekolu Lindsey, Kimo Falconer, Tiare Lawrence, Kaimana Brummel, Kaleikoa Kaʻeo, Brian Keaulana, Kaimi Kaneholani, Henohea Kane, Paele Kiakona, Ed Suwanjindar, Shep Gordon a me Jason Momoa, ʻo lākou nō nā kānaka i alakaʻi a hāpai manaʻo aku no ke ʻano kūpono e kōkua aku ai nā kōkoʻolua kaulana i ia kaiāulu. 

Wahi a Johnson ma kekahi hoʻolaha nūhou, ua ʻākoakoa maila nā alakaʻi kaiāulu no ka hōʻoia ʻana i “ka holo pololei ʻana o ke kālā i ka lima ponoʻi” o nā kānaka i hoʻopilikia ʻia. 

“Ma ka wā e ʻike maka ana ka honua i ka luku a me ka hoʻonalowale ʻia ʻana e ke ahi ʻāhiu ma Maui, ua ʻike maka pū ʻia hoʻi ke ʻano maikaʻi a me ke kūpaʻa o ko kākou moʻomeheu Polenekia a me ka ikaika lua ʻole o ko Maui poʻe,” wahi a Johnson ma kekahi hoʻolaha nūhou. “I loko nō o ka wā paʻakikī loa, huliāmahi nō ko Maui a ea — pēlā nō kākou e ikaika ai.”

Uluhua nō nā kamaʻāina no Maui i ka nele ʻana o ke kālā ʻole mai ke aupuni mai ma kēia papahana kūkulu hou, no laila, ua hoʻomaka nā kānaka he nui i nā ʻaoʻao GoFundMe a me nā mea ʻē aʻe no ka hoʻolako ʻana i ke kōkua he kālā i nā kānaka e pono ai ua kōkua nei. 

ʻO nā hui lehulehu ʻole, e laʻa ka Ჹɲʻ Community Foundation, ua hana nui lākou e hoʻolako i ke kālā he nui. Ua hoʻolako mai ka i $67.5 miliona ma ka Pōʻalima. 

Hiki ke kōkua ʻia nā luaahi ahi ma o nā uku kālā he $700 mai ka . Hiki ke loaʻa mai he $1,000 hou aku ma o . 

Ua hala nā kānaka he 115 i ke ahi ma Lāhainā, a ua nalowale nā kānaka he 388. ʻO nā ahi kūʻokoʻa ma Kula a me Olinda, na lākou i ʻai i nā home he 19. Ke hoʻohui ʻia nā mea a pau, ua ʻai ʻia nā kūkulu he mau kaukani e ke ahi, a kuhi nā luna, he $5 biliona ka nui o ka pōʻino.

Ua pau aku nei ka hana ʻimi a hoʻopakele ma hope o ka hala ʻana he ʻekolu pule, a ʻo ka hoʻomaʻemaʻe koena, me ke kōkua ʻia ʻana e ka Environmental Protection Agency, ua hoʻomaka ʻia ma Lāhainā. 

Inā makemake ʻoe e hāʻawi kālā, e kipa aku iā . Hāʻawi pololei ʻia ke kālā a pau i nā kānaka i hoʻopilikia ʻia ma Maui, wahi a ka nūhou i hoʻolaha ʻia. 

ʻO kā Civil Beat kūkala nūhou ʻana i pili i ke Kalana o Maui, ke uku hapa ʻia nei e kekahi haʻawina kālā mai ka Nuestro Futuro Foundation.

Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.

Support Independent, Unbiased News

Civil Beat is a nonprofit, reader-supported newsroom based in Ჹɲʻ. When you give, your donation is combined with gifts from thousands of your fellow readers, and together you help power the strongest team of investigative journalists in the state.

 

About the Author