Ua Koho Aku Ke Komikina Home Ჹɲʻ I Kekahi Loea Kulekele Wai No Ka Noho Mua O Ka Papa Wai No Maui Hikina
ʻO ke koho pāloka ʻana ma ka Pōʻakahi, ʻo ia nō kekahi o nā hana hope loa no ka hoʻopaʻa ʻana i ka papa he 11 lālā no ka mālama ʻana i ka wai ma ka wā e hiki mai ana no Maui Hikina.
Kā ka luna hoʻoponopono nota: Unuhi ʻia na Ākea Kahikina. Click here to read this article in English.
Ua koho pāloka like ke Komikina Home Ჹɲʻ a pau i ka ʻāpono ʻana iā Jonathan Likeke Scheuer, he hoa kūkā kulekele wai, no ka noho ʻana ma ka papa hou no ka hoʻokele ʻana i ka East Maui Community Water Authority.
Ma kekahi hālāwai ma ka Pōʻakahi, ʻo kēlā me kēia lālā o ke Komikina Home Ჹɲʻ, e laʻa ka luna ʻo Kali Watson, na lākou nō i koho pū aku i o ke Keʻena ʻĀina Hoʻopulapula Ჹɲʻ no ka mālama ʻana i ka pono o ke komikina a me nā mea i hoʻokahu ʻia ma ka papa wai hou no ka māhele ʻāina ʻo Maui Hikina.
ʻO Scheuer, ʻo ia nō kekahi o nā lālā papa he 11, a no lākou nō ke kuleana no ke alakaʻi ʻana i ke keʻena aupuni hou i haku ʻia e nā mea koho pāloka o ke Kalana o Maui i kēlā makahiki aku nei, ka mea nāna e hoʻololi aku ana i ka ʻōnaehana wai mai ka wā mahikō mai, e mālama i nā ʻāina kumu wai a e hoʻonui i ka lako wai no nā hanauna e hiki mai ana.
“He ʻike loea kākaʻikahi kona i pili i ke kulekele wai,” wahi a Randy Awo, ke komikina no Maui, ma ka hālāwai ma ka Pōʻakahi.
Ma ka hālāwai ma ka Pōʻakahi, ua haʻi aku nā limahana o DHHL i nā komikina, ʻo kēia ka manawa mua loa i hoʻokaʻawale aku ai ke aupuni kamaʻāina i kekahi kūlana koʻikoʻi ma ka pae kalana no kekahi ʻelele nāna e lawelawe aku i ke Komikina Home Ჹɲʻ a me nā mea i hoʻokahu ʻia — ka mea i ʻaelike pū ʻia e nā limahana o ke keʻena a me nā mea i hoʻokahu ʻia ma muli o ka mana o ke keʻena wai hou ma ke kālai ʻana i ko Maui hopena i ka wā e hiki mai ana.
Eia naʻe, he mea hou kēia kaʻina hana, no laila, ua hele a pilikia ka hana a ka mokuʻāina a me nā luna o ke kalana. ʻO ka hopena ma ka Pōʻakahi, ua hana ʻia ma hope o ko DHHL kāpae pālua ʻana i ka paipai moho ʻana no ka papa, a ʻo ko lākou hōʻike akula nō ia i kā lākou “hana hemahema” i ka ʻimi ʻole ʻana i ka ʻāpono mua ʻia ʻana e ke Komikina Home Ჹɲʻ.
Ma Malaki, ua koho ʻia ʻo Scheuer e ko DHHL luna kūikawā ʻo Ikaika Anderson. Ma Iune naʻe, ua kākau leka ʻo Watson i nā luna no Maui, ua a ʻo kona paipai akula nō ia iā Dwight Burns, ka mea nāna e hana no kekahi waihona kālā ʻōnaehana kūkulu hale, a he pilina noho papa kona iā Maui Hikina.
“He kāne maikaʻi ʻo ia. Ua walaʻau māua kekahi i kekahi ma ke kelepona he mau manawa,” a Watson i ʻōlelo mai ai i pili iā Burns ma ka hālāwai o ka Pōʻakahi me ka hōʻike ʻana, “ua paipai ʻo ia iā ia ma ke ʻano he ʻelele me ka ʻike mua ʻole ʻana, ua hoʻouna ʻē ʻia ka paipai ʻana no Kauka Scheuer.”
Akā, ʻo ka hoʻololi ʻokoʻa ʻana me ka ʻole o ka wehewehe ʻana aku i ka lehulehu, ʻo ia nō ka mea i hopohopo ai nā mea i hoʻokahu ʻia, nā kānaka hoʻi nāna i mahalo aku iā Watson ma ka hālāwai o ka Pōʻakahi no kona hoʻololi a me kona ʻae ʻana mai i nā mea i hoʻokahu ʻia e hāpai manaʻo i pili i nā moho ma ka wā e hiki mai ana.
ʻO ko Scheuer koho pāloka ʻia ʻana e noho ma ka papa, ʻo ia nō kekahi o nā hana hope loa no ka ʻimi a me ka loiloi ʻana i nā kānaka he 11 nāna e alakaʻi aku ana i ke keʻena pono wai no ke kaiāulu. Ma loko o ka hālāwai lōʻihi a pāʻumeʻume ma ka Pōʻalima, ua koho pāloka ka Maui County Council i nā moho ʻeono ʻē aʻe no ko lākou mau kūlana: na ka meia i koho aku i nā lālā ʻē aʻe he ʻehā.
ʻO ka paipai pū ʻana o nā lālā o ke komikina iā Scheuer, ua hana ʻia ma hope o ka paipai nui ʻana o nā mea i hoʻokahu ʻia, ka mea nāna i hōʻike mai, he ʻike lua ʻole kona i pili i ko Maui ʻōnaehana wai i pohihihi, a . Ma luna aʻe o kāna hana ʻana me he hoa kūkā koʻikoʻi lā no DHHL, he kumu aʻo ʻo ia ma William S. Richardson School of Law ma ke Kulanui o Ჹɲʻ, a ua kākau hapa ʻo ia i ka puke ʻo
“He koho koʻikoʻi loa kēia,” wahi a Awo, ke komikina no Maui. “A ʻo ke kanaka a mākou e koho aku ai, pono iā ia ke kū me he aka lā no ke kanaka nāna e mālama mai ana i ka pono o nā mea i hoʻokahu ʻia, a ʻo ka ʻike maila nō ia, ua like ke koʻikoʻi o ka wai ma kēia wā a me ka wā ma mua.”
Ma luna aʻe o ka mālama ʻana i nā ʻāina kumu wai ma Maui Hikina, he kuleana ko ka papa wai hou no ka ʻimi ʻana i ke alahele ʻoi loa no ke aupuni kalana e mālama aku ai i ka ʻōnaehana wai mai kēlā kenekulia aku nei, ka mea nāna i lawelawe aku i ka ʻāina mahikō o Alexander a me Baldwin. ʻO ka ʻōnaehana hanawai ma Maui Hikina nāna i hoʻokahe wai ma nā kula kō maloʻo, ke mālama ʻia nei ua ʻōnaehana nei e Mahi Pono, he hui mahiʻai i kākoʻo ʻia e kekahi waihona uku hoʻomau no Kanakā, ka mea nāna i kūʻai mai i nā ʻeka he mau kaukani o nā kula mahikō ma hope o ka pau ʻana o ka mahikō ʻana.
Ua wehewehe aku ʻo Awo i kona mau hoa hana ma ka hālāwai o ka Pōʻakahi, ʻo ka ʻōnaehana hanawai ma Maui Hikina, “he māhele nui ia o ka nohona, ka hoʻokele waiwai, a me ke kālaiʻāina o Maui.”
“He mea ʻenekinia kupanaha kēia ma ka nānā ʻana i ka ʻenehana hanawai kahiko, ka mea hoʻi e kū nei me mākou i kēia wā,” wahi a Awo. “Mau nō kona alakaʻi ʻana i ke ʻano a mākou e lawelawe aku ai i ko kākou kaiāulu, a he mana kona ma nā hopena politika.”
ʻO kā Civil Beat kūkala nūhou ʻana no ke Kalana o Maui, ua kākoʻo hapa ʻia e nā haʻawina kālā mai ka Nuestro Futuro Foundation.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
