Wahi A NOAA: Ua Pepehi ʻIa Nō Paha Ka ʻĪlio Kai Keiki Ma Oʻahu Nei
Ua hoʻopakele ʻia ka ʻīlio kai ma kona wā liʻiliʻi me ka mālama ʻana a me ka hoʻokuʻu ʻana ma Ianuali. Ua ʻimi ʻia kona kupapaʻu ma Malaki a he poʻohū kona i pepehi nui ʻia.
Kā ka luna hoʻoponopono nota: Unuhi ʻia na Ākea Kahikina.here to read this article in English.
Mahuʻi nā luna pekelala, ua pepehi kekahi kanaka i ka ʻīlio kai nāna i hoʻopakele ʻia ma kona wā liʻiliʻi i mau mahina aku nei, a ua hoʻokuʻu ʻia hoʻi ʻo ia i kai ākea no ka hoʻomākaukau ʻana iā ia i ke ola pono ʻana ma laila.
Ke hāʻawi aku nei lākou i kekahi puʻu kālā he $5,000 no ka ʻikepili nāna e hoʻoholo ana i kekahi hoʻopiʻi pono no ka pepehi ʻana.
ʻO ka ʻīlio kai wahine ʻo RQ76, ʻo Mālama kona inoa kapakapa, ua hoʻolaha ʻia kona make ʻana ma ka lā 13 o Malaki ma ʻŌhikilolo, he kahakai ma waena o ka pāka kahakai o Keaʻau a me ke awāwa o Mākua, wahi a ke Keʻena Lawaiʻa o ka National Oceanic and Atmospheric Administration.
Ua pepehi nui ʻia ko Mālama kino, a kuhi nā loea noiʻi kalaima, ua pepehi ʻia ka ʻīlio kai ma muli o ka makemake kanaka, wahi a Stefanie Guiterrez, he laekahi kaʻaʻike no ke Keʻena Lawaiʻa.
ʻAʻole e hoʻolaha aku ana nā luna o NOAA i ka ʻike hou i pili i kēia hihia, no ka mea, ke holo nei ka noiʻi ʻana. ʻAʻole lākou i hoʻolaha lehulehu aʻe i ko Mālama make ʻana a hiki i ka Pōʻalua. “Ua koʻikoʻi iā mākou, ma muli o nā mea i ʻike mua ʻia ma kēia hihia, ʻaʻole nō e hoʻolaha iki aʻe i kekahi mea ma mua o ka noiʻi pono ʻana,” wahi a nā luna o NOAA ma kekahi ʻōlelo hoʻolaha.
Eia naʻe, ua ʻōlelo mai ʻo Gutierrez ma kekahi leka uila ma ka Pōʻalua, ua “luʻuluʻu” ʻo ia a me kona mau hoa hana i ka mea i hana ʻia.
Ua hōʻike ke Keʻena Māhele Pakipika o ke Keʻena Lawaiʻa , “ʻO Mālama, he ʻīlio kai i pili loa i ko mākou mau puʻuwai.”
Ma kona wā liʻiliʻi, ua hoʻopakele ʻia ka ʻīlio kai ma ʻAukake ma Mānana, kahi i kai o ko Oʻahu kapakai koʻolau, a ua hoʻolele ʻia ʻo ia ma o ka U.S. Coast Guard i Ke Kai Ola, ka haukapila ʻīlio kai o ka Marine Mammal Center ma ka Moku o Keawe.
Ua ʻike nā luna lawaiʻa, he 2 mahina o ka ʻīlio kai, a ua liʻiliʻi ʻino a make pōloli ʻo ia ma hope o ka pau ʻana o kona wā inu waiū, a he pono kona mālama kūikawā ʻia ʻana no kona ola ʻana, wahi a ke keʻena ma kekahi ʻōlelo hoʻolaha i kēlā ʻAukake aku nei.
ʻO nā haumāna ma Mālama Honua Charter School ma Waimānalo, kahi i kū kokoke iā Mānana, na lākou i kapa aku i ua ʻīlio kai nei ʻo Mālama ma kona wā i hoʻopakele ʻia ai, wahi a ke Keʻena Lawaiʻa.
Ma ka ʻōlelo Ჹɲʻ, ʻo ka manaʻo o Mālama, ʻo ia nō .
Ua hoʻokuʻu ʻia ʻo Mālama i kai me ke olakino maikaʻi ma Ianuali, wahi a ke Keʻena Lawaiʻa. “Ma hope o ka hoʻokuʻu ʻana, ua nānā pinepine ʻia ʻo ia, a maikaʻi kona kino a like kona ʻano me nā ʻīlio kai maʻamau,” wahi a ke keʻena.
ʻĀnō, ke ʻimi nei nā luna i ke kumu o ka make ʻana o kēia ʻīlio kai koʻikoʻi, kekahi o i koe ma kēia pae ʻāina nei, wahi a nā luna holoholona ʻāhiu.
“Ma kahi o 16 mau ʻīlio kai, ma luna aʻe o Mālama, ʻo ia ka nui o nā ʻīlio kai i pepehi ʻia e nā kānaka mai ka makahiki 2009, wahi a NOAA.”
Ua māhuahua ka nui ʻīlio kai he 2% mai ka makahiki 2013 aku, a ua kū ka māhuahua ʻana i 1,600 mau ʻīlio kai ma ka makahiki 2022, wahi a ka Māhele Pakipika o ke Keʻena Lawaiʻa o NOAA.
Noho nā ʻīlio kai he 25% ma nā mokupuni kānaka o kēia pae ʻāina nei.
Ma kahi o 16 mau ʻīlio kai, ma luna aʻe o Mālama, ʻo ia ka nui o nā ʻīlio kai i pepehi ʻia e nā kānaka mai ka makahiki 2009, wahi a NOAA. ʻO Mālama ka lua o nā ʻīlio kai i pepehi ʻia ma Oʻahu nei, wahi a ka Māhele Pakipika o ke Keʻena Lawaiʻa o NOAA.
“ʻO nā ʻīlio kai, he māhele kūlohelohe lākou o ke kaiaola kai Ჹɲʻ, a paʻa ko mākou manaʻo, hiki–a pono–i nā kānaka a me nā ʻīlio kai ke noho pū me ka maluhia ma kēia pae ʻāina nei,” wahi a ke keʻena pekelala ma kekahi ʻōlelo hoʻolaha ma ka Pōʻalua.
Pilikia hoʻi nā holoholona i ka toxoplasmosis, he maʻi mai ke kūkae pōpoki mai, a me nā mākau lawaiʻa a me nā ʻupena.
Ua pepehi ʻia a make nā ʻīlio kai he ʻekolu ma Molokaʻi ma ka makahiki 2021, e laʻa kekahi ʻīlio kai wahine i kī pū ʻia ma ke poʻo. Na kēlā mau mea i hōʻeuʻeu i nā luna mokuʻāina a me ka Division of Conservation and Resource Enforcement e noi aku i ke kōkua pū ʻana o ka lehulehu no ka ʻimi ʻana i nā kānaka nāna i hana ʻino pēlā.
ʻAʻole i hoʻoponopono ʻia kēlā hihia a pau ma Molokaʻi, a ʻaʻohe māheu nui o DOCARE, wahi a Dan Dennison, he waha ʻōlelo no ko ka mokuʻāina Department of Land and Natural Resources.
Paipai ʻo NOAA i nā kānaka me ka ʻike i pili i ko Malama hoʻomake ʻia ʻana, e kāhea aku i ko lākou helu kelepona hoʻokō ma (800) 853-1964.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
