Pono Anei I Nā Moku Ke Hoʻolohi No Ke Kūhewa ʻOle ʻAna I Nā Koholā?
Pili nā ʻōlelo paipai i nā moku mākaʻikaʻi a me nā moku liʻiliʻi ʻē aʻe, akā, ʻaʻole nō i koi ʻia.
Kā ka luna hoʻoponopono nota: Unuhi ʻia na Ākea Kahikina. Click here to read this article in English.
Ma kēia makahiki nei e hoʻomaka aku ai ke kau koholā me ka ʻōlelo kau palena kūhelu i pili i ka wikiwiki o nā moku e holo ana kokoke i nā koholā ma nā kai Ჹɲʻ, a ke ʻimi nei nā kau kānāwai o ka mokuʻāina i nā haʻina no ke koi ʻana aku i nā mea hoʻokō e hoʻolilo aku i kēia ʻōlelo kau palena i kānāwai kūhelu.
Eia naʻe, ʻo ke keʻena mokuʻāina e koi ʻia ana no ka hoʻokō ʻana aku i , kūʻē kā ua keʻena nei i kēia hana.
ʻO ka hoʻokō ʻana i kēia palena wikiwiki, ʻo ia hoʻi ka mea e hoʻolohi ana i nā moku i 6 knots, a i ʻole ka holo ʻana he 7 mile no kēlā me kēia hola, ke holo lākou kokoke i nā koholā ma Ჹɲʻ, a he makehewa nō ia, wahi a ka Department of Land and Natural Resources i mau manawa ma ke kau ʻahaʻōlelo o kēia makahiki nei.
Eia hou, wahi a nā mea noiʻi koholā nāna i kākau i ka ʻōlelo kau palena wikiwiki, ua haʻi ʻia nā lālā o ke kaiāulu i komo aku i kēlā hana, e laʻa nā mea mākaʻikaʻi koholā, ʻaʻole makemake ʻia ka lilo ʻana o kēia ʻōlelo kau palena i kānāwai i kēia mua aku.
“Ua makemake mākou i nā hana i makepono iā Ჹɲʻ,” wahi a , ka luna mea noiʻi ma Pacific Whale Foundation ma Maui. Nāna i kōkua ma ka hoʻomohala ʻana i kēlā mau ʻōlelo kau palena me kekahi hui hana ma Hawaiian Islands Humpback Whale National Marine Sanctuary Advisory Council.
“Ua makemake mākou e hana pū me ke kaiāulu moku no ka hōʻike ʻana, hiki nō iā lākou ke mālama iā lākou iho a hoʻokō i nā hana kūpono no ka hoʻēmi ʻana i ka hoʻopilikia a me ka hoʻokuʻi ʻana,” wahi āna.
ʻWaiwai Ka Hoʻokē ʻAna’
Eia naʻe, ua noke mau kekahi mau mea mālama ʻāina ma Ჹɲʻ i ka hoʻokō ʻana i kēa kau palena wikiwiki.
“He pono ko kākou kūhewa ʻana i kēia mau koholā. Pūʻiwa wau i ka nele ʻana i nā hihia ʻole i kūʻē i ka mokuʻāina ma muli o ka lawa ʻole o ka hana,” wahi a Ted Bohlen o ka , ka mea nāna i ʻōlelo hōʻike aku no ka Senate Water and Land Committee i kēlā mahina aku nei.
ʻO ka paʻakikī ma ka hoʻokō ʻia ʻana o kekahi mea, ʻaʻole kēlā he ʻōlelo hōʻaloʻalo kūpono no kona lilo ʻole ʻana i kānāwai, wahi āna, “ʻo ke kākau ʻia ʻana o ke kānāwai ma ka palapala, he waiwai hoʻokē ko laila.”
Ma kinohi o kēia pule, ua hoʻoholo ka ʻAha Kenekoa iā , ʻo ia hoʻi ka mea nāna e koikoi iā DLNR e kau i nā kānāwai i pili i ka hoʻolohi ʻana i nā moku e holo ana kokoke i nā koholā. Ke noʻonoʻo nei nā ʻaha ʻelua i kekahi ʻōlelo hoʻoholo hui ʻē aʻe, ʻo , a ʻoi aku kona ikaika.
Hoʻopakele ʻo SR 157 iā Matson Inc., nā moku halihali ukana, a me nā moku huakaʻi mokupuni, ʻo ia hoʻi ka mea nāna i noi aku i ko lākou hoʻopakele ʻia ʻana.
Wahi a Currie lāua ʻo Ed Lyman, he laekahi kumu waiwai kūlohelohe ma ka National Marine Sanctuary, ua pili ka ʻōlelo no ke kau palena wikiwiki a me ka hana kūpono i nā moku liʻiliʻi nāna e hahai pinepine i kēlā mau māmela nui.
ʻO nā ʻōlelo kau palena no nā moku ma nā kai Ჹɲʻ, ʻaʻole nō i haku ʻia no nā moku halihali ukana nui, e laʻa nā moku a Maston a me Young Brothers a i ʻole nā moku huakaʻi mokupuni, wahi a lāua. Eia naʻe, ua pili ia i nā moku me ka lōʻihi he 65 kapuaʻi a emi mai, ʻo ia hoʻi nā moku nāna e kūhewa i nā koholā ma nā kai Ჹɲʻ, wahi a Currie lāua ʻo Lyman.
“ʻAʻole hahai ka moku halihali ukana a Matson i kekahi koholā,” e like me ka hana a nā moku mākaʻikaʻi a me nā moku liʻiliʻi, wahi a Currie.
Eia naʻe, ua hoʻohalahala ʻia ʻo Matson e nā mea noiʻi a me nā mea mālama ʻāina ma muli o ka wikiwiki o nā moku ma kapakai o Kaleponi a me ka hopena ma luna o nā lāhulu ʻokoʻa i ʻane halapohe ma kēlā māhele ʻāina, a me ke kūʻē ʻana o kēlā hui moku halihali e hoʻolohi iā lākou iho ma laila.
Ua ʻōlelo ke Kenekoa no Maui ʻo Angus McKelvey ma ka hālāwai hoʻolohe no ka Water and Land Committee ma ka lā 24 o Malaki, ʻaʻohe hopena nui o ka nānā ʻana i ka wikiwiki wale nō.
“ʻO ka ʻoiaʻiʻo, nui nā pilikia e holo nei — a nui nā pilikia i pili i nā moku mākaʻikaʻi koholā, ʻo ia hoʻi nā mea nāna e hahai aku ana i nā koholā i mea e mōakāka ai ka ʻikena o nā mea kūʻai mai,” wahi a McKelvey. “ʻO ka hana e hoʻokō aku i ka hana kūpono, ʻaʻole e holo pono nei ia hana, no ka mea, i mea aha ka hoʻolohe ʻana? Loaʻa nā mea e kūʻai mai ana; e ʻimi ana mākou i kahi e ʻike leʻa ʻia ai ke koholā.”
“ʻO nā kānāwai a pau, he pono ka hiki ʻana ke hoʻokō ʻia,” wahi a McKelvey.
Ua hōʻole ʻo DLRN i ka hāpai manaʻo ʻana e pili ana i kēia kumuhana ma kinohi o kēia pule nei.
Hōʻike Ka ʻIkepili
Ma kēia kau nei, ua hoʻolaha ʻia nā hōʻike he 6 i pili i ke kūhewa ʻana i nā koholā, wahi a Lyman. He 10 o kēlā makahiki aku nei, akā loli ka helu o nā hōʻike i kēlā kēia makahiki, wahi a ka ʻikepili pekelala āna i hōʻike aku ai.
Hōʻike kēlā ʻikepili, ua hoʻolaha ʻia nā hōʻike kūhewa he ʻeono ma ka makahiki 2021 a he 12 hōʻike kūhewa ma ka makahiki 2020.
He 143 kūhewa koholā i hoʻolaha ʻia ma Ჹɲʻ mai ka makahiki 1979 aku. ʻO ka hapanui o nā koholā i kūhewa ʻia, ʻo ia nō nā kohalā he keiki a he ʻōpiopio.
Ua hoʻopilikia kēlā mau kūhewa i 149 mau koholā a ʻoi, e laʻa nā koholā keiki e ʻau kokoke ana ma ka wā i kūhewa ʻia ai ko lākou mau mākuahine, wahi āna.
ʻIke ʻo Lyman, ʻano nui paha nā kūhewa ʻana i hoʻolaha ʻole ʻia. I ka wā ma mua, ʻaʻole ikaika loa ka hana no ka hoʻolaha ʻana i nā hōʻike kūhewa koholā, akā ua hoʻoikaika ʻia ma ka waena o nā makahiki 1990, wahi āna.
I kēia kau nei, ua hoʻolaha ʻia 2 hōʻike kūhewa o nā hōʻike he 6 ma ka lā 28 o Ianuali, ka lā i nui ai ka ua. Ma ka hōʻike mua, ua hoʻolaha kekahi mea kalaiwa moku ma Maui i kona kūhewa ʻana i kekahi koholā keiki, wahi a Lyman.
Ua hoʻolaha ka poʻe ma ka moku, ua ʻike lākou i ke koko ma kai ma hope o ke kūhewa ʻana, wahi āna. Akā naʻe, ʻaʻole i ʻike ʻia kekahi koholā keiki i hōʻeha ʻia e nā luna i holo ma kai no ka nānā ʻana ma hope o ka hoʻokuʻi ʻana, wahi a Lyman.
Paipai nā ʻōlelo kau palena, ʻaʻole e holo ana nā moku me ka wikiwiki he 15 knots a ʻoi ma kai e ʻau pinepine ai nā koholā, i loko nō o ko lākou hahai ʻole ʻana i ka holoholona.
ʻO ka mea kalaiwa moku nāna i kūhewa i ke koholā keiki, ua hoʻolaha ʻo ia, he 11 knots ka wikiwiki o kona moku, wahi a Lyman.
Ua ʻaelike nā mea noiʻi, ua hoʻokō ka mea kalaiwa moku i ka ʻōlelo kau palena pekelala i pili i ka ʻikena, no ka mea, ua ʻano mālie ke kai i loko nō o ka nui o ka ua a me ke ao, wahi a Lyman.
“He pono ko kākou kūhewa ʻole ʻana i kēia mau koholā.”
Ma kēlā lā, ua hoʻokuʻi kekahi koholā me kekahi moku mākaʻikaʻi ʻokoʻa e holo ʻole ana ma kai o Maui. Ua kuʻikaʻa ka hiʻu o ka māmela nui i kekahi māhele o ka moku, a ʻo ka haki akula nō ia o ia moku a ua kiloi ʻia kekahi kelamoku i kai, wahi a Lyman. Ua maikaʻi naʻe ia kelamoku ma hope, wahi āna.
Mai ka makahiki 1979 aku, aia nā hoʻokuʻi he 69 ma kai o Maui. He 14 o ܲʻ, 4 o Lānaʻi, 9 o Oʻahu, a he 14 o Ჹɲʻ, wahi a Lyman. ʻO ke koena, ʻaʻole i ʻike leʻa ʻia nā wahi, wahi a nā hōʻike.
Ma Maui e ʻau pinepine ai nā koholā, akā, wahi a Lyman, ʻoi aku ka nui o ka helu, no ka mea, nui ka hoihoi kamaʻāina ma Maui i ka nānā ʻana i nā hōʻike, a ʻaʻole like ka hoihoi ma nā mokupuni ʻē aʻe.
Pau ka helu ʻia ʻana o kēia ʻano māmala ma ke ʻano he lāhulu ʻane halapohe, akā, mau nō ko lākou hoʻomalu ʻia ʻana ma lalo o ka wahi hoʻāno, wahi a Lyman.
Ua ʻōlelo ʻo ia, e hiki ana i ka mokuʻāina ke hoʻokō i ke kau palena wikiwiki inā lawa nā kumu waiwai.
“Hiki nō ke hana ʻia. He mau ālaina ko laila, akā hiki naʻe ke hoʻokō ʻia. He mau kumu waiwai ko laila i kēia manawa? ʻAʻole loa,” wahi āna.
Kākoʻo hapa ʻia e kā Civil Beat kūkala nūhou ʻana no ke Kalana o Maui e kekahi haʻawina kālā maiā Nuestro Futuro Foundation mai.
Ua kākoʻo ʻia kēia papahana e ka ʻOhana o Harry Nathaniel, Levani Lipton, ka ʻOhana Mar, a me Lisa Kleissner.
