He Moʻolelo No ʻElua Aupuni Mōʻī: Pā Ka Naʻau I Ka Hala ʻAna O Ka Mōʻīwahine ʻO Elizabeth
I loko nō o ka uē ʻana o nā kānaka he mau miliona i ka hala ʻana o ka mōʻī Pelekania i noho mōʻī me ka lōʻihi loa, ua hoʻohalahala kekahi ʻē aʻe i ka moʻolelo hoʻokolonaio o ua noho mōʻī nei.
Kā ka luna hoʻoponopono nota: Unuhi ʻia na Ākea Kahikina.here to read this article in English.
Me ke komo ʻokoʻa ʻana i ka ʻaʻahu ʻeleʻele, ua kū ka haku lole kaila ʻo Micah Kamohoalii me kāna mau kānaka hōʻike lole no ʻehā hola ma nā alahele o Lādana. ʻAʻahu nā poʻohiwi i nā ʻahuʻula, a kū kiʻekiʻe kekahi mau kāhili ma luna o ka lehulehu e kakali ana i ke kanu ʻia ʻana o ka Mōʻīwahine ʻo Elizabeth ka Lua.
Ma ka hōʻea ʻana mai o ka pahu kupapaʻu, ua hīmeni mālie ʻo Kamohoalii a me kāna mau kānaka hōʻike lole iā “Aloha ʻOe,” ʻo ia hoʻi kekahi mele kaulana i haku ʻia na ka Mōʻīwahine ʻo Liliʻuokalani.
ʻO Kamohoalii, aia ʻo ia ma ke kapikala o ke Aupuni Mōʻī Hui Pū ʻIa no London Fashion Week, a ʻōlelo ʻo ia, penei nō nā Kānaka Maoli e hoʻohanohano kuʻuna ai i ka hala ʻana o kekahi.
“ʻAʻole kēia he hana keaka no mākou,” wahi a Kamohoalii. “Inā hala ko mākou aliʻi, penei kā mākou hana. I loko nō o ke kākoʻo a me ke kākoʻo ʻole ʻana o mākou iā ia, ua maopopo nō iā mākou ka hoʻohanohano aliʻi ʻana.”
Ma Lādana, ua hōʻihi ka haku lole kaila Kanaka Maoli ʻo Micah Kamohoalii a me kāna mau kānaka hōʻike lole i ka Mōʻīwahine ʻo Elizabeth ka Lua, ʻo ia ka i hala akula ma Kepakemapa.
ʻO Elizabeth, ʻo ia ko ka UK mōʻī i noho mōʻī me ka lōʻihi loa, ua hala loa ʻo ia ma kinohi o Kepakemapa, a 96 ona makahiki. ʻO kona hoʻolewa ma ka lā 19 o Kepakemapa, ua nānā nā kānaka he 28 miliona ma ka UK a me nā kānaka he mau miliona ma o ka honua, wahi a BBC News.
I loko nō o ka uē ʻana o nā kānaka he nui i ka hala ʻana o Elizabeth, ʻaʻole like ka manaʻo walohia ma Ჹɲʻ a me nā aupuni Pakipika ʻē aʻe, ʻo ia nā mea i noho akula ma lalo o ke aupuni kolonaio. No nā Kānaka Maoli hoʻi, ua nui ka hihia i pili i ka hala ʻana o ka mōʻīwahine, a nui nā kānaka e hāpai manaʻo aʻe ana ma ka pāpaho pilikanaka ma nā pule ma hope pono aku o kona hala ʻana.
ʻŌlelo kekahi, he hoʻomanaʻo minamina kēia no ka hala ʻana o ka mōʻī o kahi aupuni, a ʻōlelo hoʻohalahala kekahi ʻē aʻe iā Elizabeth, no ka mea, he hōʻailona nō ʻo ia i ka moʻolelo hoʻokolonaio o ke aupuni mōʻī.
ʻAʻole i hoʻokolonaio ʻia ʻo Ჹɲʻ e ka UK, akā ua noho ia ma lalo o kahi palapala ʻaelike ma mua o ka lilo ʻana o Pelekania i aupuni mua loa i hōʻoia i ke kūʻokoʻa o Ჹɲʻ ma ka makahiki 1843. Ua hoʻouluulu ʻia ko Ჹɲʻ aupuni mōʻī e ko Pelekania aupuni mōʻī.
Kākoʻo mau kekahi mau moʻomeheu i ka noho aupuni mōʻī ʻana, akā kūʻē nui ʻia ka noho aupuni mōʻī ʻana ma o ka honua, wahi a ka hoʻopaʻa moʻolelo ʻo DeSoto Brown ma ka hale hōʻikeʻike o Bihopa.
“Ma ka wā i hōʻihi ʻia ai ka mōʻī, ua hoʻohalahala ʻia nō naʻe e ka lehulehu,” wahi a Brown ma kahi leka uila. “ʻO kona hoʻomau ʻia ʻana ma nā wahi like ʻole, he hōʻike ia i kona waiwai, akā naʻe, ʻike ʻia hoʻi ia ma ke ʻano he hōʻike ia i ka hana ʻino ʻana i nā kānaka no ke aupuni home a me nā kānaka i hoʻokolonaio ʻia, no laila, he mea ia e kūʻē ʻia.”
No kekahi mau kanaka he nui, he hōʻailona ʻo Elizabeth i ka wā e hoʻolaha aʻe ai ʻo ka UK i kona mana naʻi ma o ka honua. ʻO ka hapanui o nā aupuni, e laʻa ka Pakipika, ua hoʻokolonaio ʻia ma ka wā i noho mōʻī ai ka mōʻīwahine ʻo Victoria ma ke kenekulia 19.
Akā, ʻo Elizabeth, ʻo ia ka i lilo i mōʻī ma ka makahiki 1952, ua kākoʻo ʻo ia i ka hoʻēmi kolonaio, wahi a ka Polopeka ʻo Niklaus Schweizer ma ke Kulanui o Ჹɲʻ, ʻo ia ke noiʻi i ka moʻolelo o ʻEulopa a me ka Pakipika.
Wahi āna, ua lilo nā aupuni he mau kākini i aupuni kūʻokoʻa ma ka wā i noho mōʻī ai ʻo Elizabeth, e laʻa ʻo Ghana, ʻo Sāmoa, ʻo Aotearoa, ʻo Fiji, ʻo Papua New Guinea, a me Rarotonga.
Ua kālele hoʻi ʻo Schweizer, ʻaʻole i hoʻokolonaio ʻia ʻo Ჹɲʻ e ka UK, no ka mea, ua hōʻoia ka poʻe Pelekania i ke kūʻokoʻa o ke aupuni mokupuni ma ka makahiki 1843.
“Aia nō a komo ʻia kēlā pae, ʻaʻole hiki ke hoʻokolonaio ʻia,” wahi a Schweizer. “Akā, he huikau nui ko laila. Kuhihewa nā kānaka he nui, hoʻokolonaio ʻia ʻo Ჹɲʻ, akā ʻaʻole pēlā ka ʻoiaʻiʻo.”
“He hoʻokolonaio noʻonoʻo ko laila, ʻo ia ka i hiki maila ma hope o ka hoʻokahuli ʻana i ka Mōʻīwahine ʻo Liliʻuokalani,” wahi āna. “Akā, ʻaʻole i hana ʻia ka hoʻokolonaio politika ma ʻaneʻi nei. No laila, ma kēlā ʻano, ʻokoʻa ʻo Ჹɲʻ, a ʻokoʻa ʻo Tahiti a me nā hui mokupuni ʻē aʻe.”
He Pilina Lua ʻOle
ʻO ko Ჹɲʻ pilina me ka UK ma ke kenekulia 19, he waipahē ke ʻano a he pilikia ke ʻano, wahi a Brown.
“E like me ka mea i ʻike nui ʻia, ua hoʻokolonaio ikaika ʻo Pelekania i nā ʻāina ma o ka honua no nā makahiki he mau haneli, a ua hiki iā Ჹɲʻ ke lilo i wahi e makeʻe ʻia pēlā,” wahi a Brown. “Ma ka manawa like naʻe, ua huli akula nā mōʻī Ჹɲʻ iā ʻEnelani no ke kōkua a me ke alakaʻi ʻana a ua makemake ʻia kahi pilina waipahē.”
Ma o ke kenekulia 19, ua hoʻohālikelike ʻo Ჹɲʻ i kekahi mau mea haole, e laʻa ka mea kaua e like me ka pū, ka pikineki kauʻāina, a me ka haku ʻana i hae aupuni.
Ua hoʻomaka ʻia ko Ჹɲʻ pilina me nā haole ʻilikea ma nā makahiki 1700 ma hope o ka hiki ʻana mai o ke kāpena ʻo James Cook. Wahi a ka hoʻopaʻa moʻolelo ʻo Zita Cup Choy ma ka Hale Aliʻi ʻo ʻIolani, ua lawe akula ʻo Kamehameha ka Nui i nā manaʻo a me nā mea pono e like me nā pū maiā Cook mai, “i hiki iā ia ke hoʻoikaika iā ia iho a me kona lāhui, a ʻo kona naʻi akula nō ia i nā mokupuni i aupuni hoʻokahi ma ka makahiki 1820.”
Paʻi ʻia ka Union Jack ma ka hae mokuʻāina, ʻo ia ka i haku ʻia ma ka makahiki 1816. Me ke kūkākūkā ʻana me ke kāpena Pelekāne ʻo George Vancouver, ua haku ʻo Kamehameha ka Nui i ka hae no ka hoʻouna ʻana aku i kona moku i Kina no ke kūʻai ʻana aku i ka ʻiliahi, wahi a Cup Choy.
“ʻO Pelekania Nui, he hoa ʻo ia o Ჹɲʻ,” wahi a Cup Choy. “ʻO Palani a me Luʻukia, ʻo lāua nō nā aupuni mana nui ma kēlā wā. ʻO ka Union Jack, a me nā waihoʻoluʻu he ʻulaʻula, he keʻokeʻo, a he uliulu, ʻo ia nā mea e hōʻike i nā aupuni ʻē aʻe, he mau hoa ikaika loa ko mākou.”
Eia naʻe, ua hele a hihia kēlā pilina ma ka makahiki 1843 ma muli o ka Paulet Affair, ʻo ia ka wā i kāʻili ʻia ai ke ea o Ჹɲʻ e kahi ʻelele Pelekania.
Ua hoʻihoʻi ʻia ko Ჹɲʻ ea ma kēlā makahiki like ma hope o ka huakaʻi ʻana mai o ka ʻAkimalala Pelekania ʻo Richard Thomas i Honolulu me ka loaʻa ʻana o ka hae Ჹɲʻ iā ia e hoʻopau ai i ka noho aupuni hewa ʻana. Ua hōʻoia ʻia ʻo Ჹɲʻ ma ke ʻano he aupuni kūʻokoʻa ma ka makahiki 1843.
I kēia lā, hoʻohanohano ke Kuea ʻo Thomas i kēlā lā, a ʻo ia kekahi o nā wahi ma Ჹɲʻ e ʻāpono ʻia ai ka hae Ჹɲʻ e kū a welo me ka mehameha.
ʻO ka hapanui o nā ʻaʻahu a me nā kāhiko o ka mōʻī Ჹɲʻ, keu hoʻi ka wā i noho mōʻī ai ʻo Kalākaua, ua hoʻohālikelike ʻia i ko ʻEulopa “i hiki iā ia ke hoʻohālikelike iā ia iho a me kona aupuni i ke kūlana like o nā aupuni hanohano ʻē aʻe,” wahi a Brown.
“Ua hoʻāʻo ʻo ia (ʻo Kalākaua) e hoʻākea i ka mana o kona aupuni ma ka Pakipika ma o kahi hui kuʻikahi me Sāmoa (ʻaʻole i holo pono, no ka mea, ua hoʻāʻo ʻē ʻo Kelemania i ka naʻi ʻana i kēlā aupuni),” wahi a Brown. “Ua hāpai ʻo Kalākaua i ka male ʻana o kāna kaikamahine hanauna ʻo Kaʻiulani a me kahi keiki aliʻi no Iāpana, a pēlā ka hana ma ʻEulopa no nā kenekulia he nui no ka mālama ʻana i nā pilina ma waena o nā aupuni. Ua holo pono ʻole kēia, no ka mea, ʻo ke keiki aliʻi Kepanī — he keiki maoli ʻo ia ma kēlā wā — ua loaʻa ʻē iā ia kahi male i hoʻohiki ʻē ʻia ma kona wā e hiki mai ana.”
Ma loko o ka Hale Aliʻi ʻo ʻIolani e noho ai ʻelua kiʻi kālai kula i pili i ka mōʻī Pelekania. Ua makana ʻia ka Hale Aliʻi ʻo ʻIolani e Elizabeth i ke kiʻi maoli o ka Mōʻīwahine ʻo Victoria ma kona wā ʻōpiopio mai ka makahiki 1838. ʻO ke kiʻi kālai kula ʻē aʻe, hōʻike kēia kiʻi i ko ka Mōʻīwahine ʻo Victoria ʻAha Iupilē Kula ma Westminster Abbey, a aia ma ke kiʻi, ʻo ia nō ka Mōʻīwahine ʻo Kapiʻolani a me ke Kamaliʻiwahine ʻo Liliʻuokalani.
“Ma muli o ko lāua moʻokūʻauhau, ua ʻoi loa aʻe ko lāua kūlana ma luna o nā aliʻi ma laila,” wahi a Cup Choy. “Ua hoʻokipa ʻo ia iā lāua, ua honi ʻo ia i nā papalina, ua hoʻolauna ʻo ia i kāna mau keiki, me he mea lā, ʻo lākou mōʻī nō paha he mau kaikuaʻana a kaikaina hoʻi.”
Pā Ka Naʻau I Nā Manaʻo Like ʻOle
ʻO ka hala ʻana o Elizabeth, ua pā ka naʻau i nā manaʻo like ʻole no nā kamaʻāina ma Ჹɲʻ. I loko nō o ka uē ʻana o kekahi, ua hele a pilikia kekahi ʻē aʻe.
ʻO Noe Noe Wong-Wilson, ua nānā ʻo ia i ka hoʻolewa ma ke kīwī, a ʻōlelo ʻo ia, ua kaumaha ʻo ia, a ʻo ko Elizabeth hala ʻana, he hoʻomanaʻo ia no ka hala ʻana o ka mōʻī o kahi aupuni.
“ʻO kēia ka hala ʻana o kahi wā holoʻokoʻa,” wahi a Wong-Wilson. “Ua kaumaha loa wau. Ua paʻa koʻu maka i ke kīwī a me ka ʻike ʻana i ka uē ʻana o ke aupuni. Noʻu iho, ua like nō paha ia me ka mea i pā ai ka naʻau o ko kākou lāhui ma ka hala ʻana o Liliʻuokalani.”
Wahi a kahi haumāna ʻo Nainoa Kahiona ma ke Kulanui o Ჹɲʻ, ʻaʻole ʻo ia i nānā i ka hala ʻana o Elizabeth, akā ua pūʻiwa ʻo ia i kona hala ʻana.
“ʻAʻole au e hoʻolauleʻa, ʻaʻole au e uē, no ka mea, ʻaʻohe aʻu mea e mahalo pono aku ai i pili i ka ʻohana aliʻi,” wahi āna.
Wahi a Kahiona, ua ʻike ʻo ia i ka pilina o Ჹɲʻ me nā mōʻī Pelekane, akā ʻōlelo naʻe ʻo ia, “ma ka wā hoʻokahuli aupuni, ʻaʻole i kākoʻo ʻo Pelekania i ka Mōʻīwahine ʻo Liliʻuokalani no ka noho mōʻī hou ʻana.”
Aia ʻo Kamohoalii ma Lādana no ka pule lole kaila e hōʻikeʻike ʻia ai kāna mau lole ma ke alahele hōʻike lole. Ua ʻōlelo akula ʻo ia, he kūpono kona hōʻihi ʻana iā Elizabeth ma muli o ko Ჹɲʻ pilina me nā mōʻī Pelekania.
“He pilina makamaka ko kākou mau kūpuna me nā kūpuna kuakahi a me nā kūpuna kualua o ka Mōʻīwahine ʻo Elizabeth,” wahi āna. “No laila, ua manaʻo ihola mākou, he kūpono nō ko mākou kū ʻana ma laila no ka hāʻawi aloha ʻana, no koʻu moʻokūʻauhau a me kona moʻokūʻauhau kekahi.”
Ma muli o kekahi wikiō e hōʻike ana i ka hīmeni ʻana o Kamohoalii a me kāna mau kānaka hōʻike lole iā “Aloha ʻOe” ma Lādana, ua hāpai ʻia ka leo kākoʻo a me ka leo hoʻohalahala ma nā kahua pāpaho pilikanaka e laʻa ʻo Instagram, Facebook, Tik Tok, a me Twitter. Wahi āna, ua hala ʻelua lā ma mua o kona kāpae ʻana i “nā manaʻo ʻino” ma kāna pāpaho pilikanaka.
ʻŌlelo aku kekahi mau ʻōlelo hoʻolaha, “ʻO ka hīmeni ʻana i ke mele na ka Mōʻīwahine ʻo Liliʻuokalani, he ʻino loa kēlā,” wahi a kahi kanaka ma Twitter e pili ana i ka wikiō.
ʻŌlelo akula ʻo Kamohoalii, kānalua nō paha kekahi mau kānaka ma Ჹɲʻ i ka hala ʻana o ka mōʻīwahine ma muli o ka naʻaupō a me ka ʻeha o loko i pili i ka hoʻokahuli ʻana i ke Aupuni Ჹɲʻ.
“Penei nō paha kā lākou ‘No ke aha e mau ai kou aupuni, a no ke aha i kāʻili ʻia aku ai ko mākou aupuni? Inā he hoa kāua, no ke aha ʻoe i kōkua ʻole mai ai iā mākou ma ka hoʻihoʻi aupuni ʻana?” wahi a Kamohoalii.
I loko nō o ka mahalo ʻana o nā kānaka i nā aliʻi, ua hele a liʻiliʻi ka mahalo ma o ka holo ʻana o ka wā. Wahi a Brown, ʻo ke kuleana hanohano o Elizabeth, he hōʻailona nō ia i ke koena o ke Aupuni ʻEmepela, a ua nalowale akula ka hapanui o ua kuleana nei.
“ʻOiai, ua liʻuliʻu nō a ua hele a kūʻokoʻa nā panalāʻau, ua emi ka pilikia a me ka hana ʻino ʻana,” wahi a Brown. “ʻO ka hapanui o nā kānaka e noho ana ma lalo o wā hoʻokolonaio, ua make loa lākou, a ʻaʻole nui ka noho ʻana pēlā i kēia manawa. No laila, ʻo ka mea nui i pā ai ka naʻau, ʻo ia ke kaumaha a me ka minamina ma ka hopena o ka wā lōʻihi loa me nā kau palena mōakāka.”
