ʻŌlelo Hoʻopaʻi ʻIa Ke Kenekoa Mokuʻāina ʻO English Me ʻEkolu Mau Makahiki Ma Ka Hale Paʻahao Pekelala
He pono ka noho hale paʻahao ʻana o ka luna hapa nui ʻaha kenekoa ma ka lā 16 o ʻAukake, a kauoha ʻia ʻo ia e uku i kahi uku hoʻopaʻi he $100,000.
Kā ka luna hoʻoponopono nota:Unuhi ʻia naĀkea Kahikina.Clickhereto read this article in English.
Ua ʻōlelo hoʻopaʻi kekahi luna kānāwai i ke kanaka kau kānāwai Ჹɲʻ ʻo J. Kalani English me ʻekolu mau makahiki a ʻoi ma ka hale paʻahao ma ka Pōʻalua no kona lawe ʻana i ke kālā he mau kaukani me he kīpē lā i mea e hoʻololi aku ai i ke kulekele hoʻopōʻaiapuni wai ma ka mokuʻāina.
He ʻoihana politika lōʻihi kā English ma ke ʻano he lālā ʻaha no ke kalana o Maui ma mua o kona komo ʻana i ka ʻAhaʻōlelo no ʻelua mau kekeke. Mai ka makahiki 2014 aku, ʻo ia ka luna hapanui ma ka ʻaha kenekoa.
Ua hopu ʻia ʻo English ma Ianuali ma ka makahiki 2021 ma hope o kahi kolokolona me ka lōʻihi he mau makahiki na ka FBI i hōʻike aku i kona ʻae maila i ke kālā he $18,000 a me nā makana ʻē aʻe, e laʻa ka meaʻai a me nā lumi hōkele ma Las Vegas, i mea e hoʻololi ʻia ai ka holo ʻana o nā kānāwai hoʻopōʻaiapuni wai.
Ua hoʻopaʻi ka Ჹɲʻ District Judge ʻo Susan Mollway iā English me ka ʻōlelo hoʻopaʻi he 40 mahina o ka noho hale paʻahao a hahai pū ʻia me ʻekolu mau makahiki me ka hoʻokuʻu ʻia e nānā pono ʻia. Ua kauoha ʻia hoʻi ʻo ia e uku i kahi uku hoʻopaʻi he $100,000. ʻAʻole ʻo ia i hopu ʻia ma ka Pōʻalua, akā e koi ʻia ʻo ia e komo i ke kikowaena hoʻopaʻi ʻauʻa pekelala ma ka lā 16 o ʻAukake.
Wahi a Mollway, ua ʻae ʻoluʻolu ʻo English i nā kīpē ma o nā makahiki i hala aku nei. A, ua hana ʻo ia pēlā me kona koi ʻole i ke kālā, wahi a ka maka. He mau ʻāina kona ma Hāna a ua mālama ʻo ia i kahi hui ʻoihana kūkākūkā e loaʻa ai iā ia ke kālā ma luna o kona uku ʻia ʻana ma ke ʻano he kau kānāwai. ʻO ka pōʻaiapili, wahi a Mollway, ua pili i ka ʻālunu.
“ʻO kāu i hana aku nei, he kaumaha loa a he ʻino loa i ke ʻano o ka nohona, no laila, ua kūpono kahi ʻōlelo hoʻopaʻi kaumaha iā ʻoe,” wahi a ka luna kānāwai.
Wahi a Kenneth Sorenson, ʻo ia ka Assistant U.S. Attorney, ʻo ka ʻōlelo hoʻopaʻi hale paʻahao i ʻī ʻia ma ka Pōʻālua, he mea e “hoʻolaha aku i ka ʻōlelo i nā kānaka e kālepa ana i ko lākou kuleana e makepono ai ko lākou waiwai a me ka ʻālunu ponoʻī, e hoʻopaʻi nui ʻia nō lākou.”
Ua noi ʻo English i kahi ʻōlelo hoʻopaʻi i hoʻēmi ʻia i 30 mahina. E paipai ana nā loio hoʻopiʻi i kahi ʻōlelo hoʻopaʻi he 42 mahina.
Ua hiki iā English ke hoʻopaʻi ʻia i ka nui loa he 20 makahiki o ka noho hale paʻahao ʻana, akā paipai nā loina hoʻopaʻi ma kona hihia, he kūpono ka noho hale paʻahao ʻana ma kahi o 37 a 46 mau mahina. Wahi a Sorenson, ua noʻonoʻo ke aupuni i kā English hana pū ʻana me nā luna aupuni no ka ʻimi ʻana i ka lōʻihi kūpono o ka wā noho hale paʻahao.
“Makemake mākou i kahi kanaka e mihi koke, e hana pū me kā mākou kolokolona — he koʻikoʻi kēlā no ka holomua ana ma kēia ʻano hihia,” wahi a Sorenson. “He pono ko mākou e hoʻolaha i ka ʻōlelo, ʻaʻole ʻoe e luku ʻia inā hana pū ʻoe me ka ʻoluʻolu. Akā e hoʻopaʻi pono ʻia naʻe ʻoe.”
ʻAʻole i hāpai manaʻo ʻo English a me kāna loio ʻo Richard Sing ma hope o ka haʻalele ʻana i ka hale hoʻokolokolo pekelala.
Ma kāna ʻōlelo ʻana i ka ʻaha, ua ʻī akula ʻo English, ua hoka ʻo ia iā ia iho, a ʻae akula ʻo ia i ka hopena o kāna hana ponoʻī. Hoʻolālā ʻo ia e noʻonoʻo nui a hoʻololi nui i kona ola.
ʻO ka hihia, wahi āna, he mea i “luku i kuʻu ola.”
Ua hoʻomaha loa ʻo English mai ka ʻAha Kenekoa ma ka makahiki 2021. Ua hopu ʻia ʻo ia e nā mākaʻi pekelala ma Ianuali o kēlā makahiki. Akā, ua hōʻike ʻia ka ʻike kīpē ma Pepeluali ma ka hoʻāhewa ʻia ʻana o English a me ka luna makaʻāinana mokuʻāina ʻo Ty Cullen no ke komo pū ʻana i kahi hoʻolālā hūnā ʻana e hoʻololi i nā pila no ka hoʻopōʻaiapuni wai, ka ʻōnaehana wai pelapela a me nā luawai pelapela ma Ჹɲʻ.
Ua hoʻomali ʻo English i ke aupuni ma ka makahiki 2019, ʻo ia ka manawa āna i noi aku ai i iā Milton Choy, ʻo ia kahi kanaka pikineki a kahi mea hāʻawi kālā politika kaulana no Honolulu, no kekahi mau lumi hōkele ma Las Vegas. Ma kēlā manawa, e hana ʻē pū ana ʻo Choy me ka FBI me he mea haʻi ʻike lā, a kapa ʻia ʻo ia ʻo Person A ma nā palapala ʻaha hoʻokolokolo.
Ua ʻae maila ʻo English i ke kālā he mau kaukani ma ka makahiki 2020 i mea e hoʻolauna ʻia ai kahi pila a hoʻopau koke ʻia aku ma hope.
“He maʻalahi ka hoʻomake ʻana i ka pila, he paʻakikī ka ʻāpono ʻana,” wahi āna ma kahi kūkākūkā ʻana i kuhi ʻia ma nā palapala ʻaha hoʻokolokolo.
ʻO Sing, ʻo ia kā English loio, ua ʻōlelo akula ʻo ia, ua ʻae maila ka mea kau kānāwai i hoʻokahi makana wale nō maiā Choy, ʻo ia nā lumi hōkele ma Las Vegas. Ua hāʻawi ʻia nā kīpē ma hope aku o ko Choy noi ʻana iā English.
Hōʻole ʻo Mollway i kēlā manaʻo.
“ʻO kāu hana, ʻaʻole ia he ʻae hoʻokahi i ka hoʻowalewale ʻana,” wahi a Mollway iā English. “Ua paʻa ʻē kou manaʻo — ʻaʻole ia he wahi lalau. Ua manaʻo ʻē kā ʻoe penei, hiki iā ʻoe ke hana penei, a ʻaʻole hiki iā ʻoe e hopu ʻia.”
ʻO Cullen, wahi a nā loio hoʻopiʻi, ʻo ia ke kanaka ʻē aʻe i ʻae maila i nā kīpē maiā Choy, a hoʻonohonoho ʻia kona ʻōlelo hoʻopaʻi ʻia ʻana ma ʻOkakopa. Me English, ua noi akula ʻo ia i kona kū ʻana i ka hewa no nā ʻāhewa ʻia ʻana ma Pepeluali.
Ua kākoʻo hapa ʻia kā Civil Beat kūkala nūhou ʻana i ke Kalana o Maui e nā haʻawina kālā na Nuestro Futuro Foundation a me Fred Baldwin Memorial Foundation.
