Denby Fawcett: Ua Kuhi Pololei ʻO ‘The White Lotus’ I Nā Mea Like ʻOle E Pili Ana Iā Ჹɲʻ — A He ʻOkoʻa Hou Nō Ia
I loko nō o nā hōʻike ʻoiaʻiʻo ʻana a me nā mele nahenahe, ʻaʻole i maliu nui ʻia ka pūkaʻina polokalamu kīwī e ko Ჹɲʻ mau hui kūkala nūhou.
Kā ka luna hoʻoponopono nota:Unuhi ʻia naĀkea Kahikina.Clickhereto read this article in English.
‘O “The White Lotus” kekahi pūkaʻina polokalamu kīwī he ʻeono pukana e pili ana i nā haole waiwai e kipa mai i kahi hōkele kūʻonoʻono ma Ჹɲʻ no hoʻokahi pule a e hoʻohaunaele iā lākou iho a me nā limahana hōkele.
Ke kākau nei au e pili ana i kēia pūkaʻina, no ka mea, ua hulikua ʻia nō ia e nā hui kūkala nūhou ma ʻaneʻi nei, a ʻaʻole pēlā ka hoʻolaha ʻia ʻana o nā hōʻike mākaʻikiu a me nā hōʻike ʻimi ipo i hoʻopaʻi wikiō ʻia ma Ჹɲʻ nei.
He ʻōlelo pāhenehene ʻo “The White Lotus” e hui pū ai ka nani o ka hiʻona ʻāina a me nā mea e pilikia ai nā kamaʻāina, keu hoʻi ka noho ʻana ma loko o kēia wā maʻi ahulau e kaunoʻo nui ʻia ai ka manaʻo nūnēnūnē iā kākou iho.
Ua hoʻopuka ʻia ʻo “The White Lotus” ma loko o ka wā noho paʻa hale i kēlā makahiki aku nei ma Maui ma ka hōkele ʻo Four Seasons Resort Maui ma Wailea.
Ma ka lohe mua ʻana e pili ana i nā kūamuamu kīkoʻolā i nā malihini waiwai, he maʻalahi ka noʻonoʻo ʻana, ʻo kēia he hōʻike mākonā, akā ua hana maikaʻi ka haku a me ke alakaʻi hana keaka ʻo Mike White i mea kamahaʻo no HBO – ʻo ia wale nō kaʻu mea i nānā aku ai e hōʻike kole i ka pilikia o ko Ჹɲʻ kaukaʻi kālā ʻana i ka ʻōnaehana hoʻokipa malihini.
A hana ʻo White i kēia me ka walohia. ʻAʻole he mau hāmeʻe koe ma ka hope, ʻo lākou nō he mau kānaka maoli i pilikia i ko lākou hehi hemahema ʻana ponoʻī e like me ko nā malihini a lākou e lawelawe aku ai. Ma kā White haku hana keaka ʻana, he koaea nā malihini waiwai i hoʻokauā ʻia i ko lākou haʻakei ʻana ponoʻī, akā ma kekahi mau manawa, puka mai kā lākou ma ke ʻano he kanaka maʻamau.
ʻO nā kānaka kaulana ma loko o ka hui kanaka hana keaka, ʻo ia nō ʻo Jennifer Coolidge, a kuhi ʻia kona lanakila ʻana i mau makana no kona kūlana ma ke ʻano , ʻo Tanya McQuoid; ʻo Connie Britton, ʻo Steve Zahn, a me kekahi hoʻopuka mai ke kula ʻo Kamehameha ʻo Kekoa Kekumano.
Luaʻi nā moʻolelo o ko lākou mau hāmeʻe me he Kīlauea lā ma ko lākou hōʻea ʻana mai i ka hōkele e pākele ai lākou i ko lākou pilikia ponoʻī — a na lākou i hoʻomaka i ka hapanui o nā pilikia — a laila hehi ʻino a waiho lākou i alahele o ka wāwahi ʻana ma ko lākou hoʻi home ʻana, e laʻa kahi kūpapaʻu a me kahi limahana Kanaka Maoli i hōʻino ʻia no kona ola holoʻokoʻa.
He kupanaha ko Ჹɲʻ hui kūkala nūhou nānā ʻole ʻana iā “The White Lotus” i loko nō o ko The New York Times kūkala nūhou ʻana i kēia pūkaʻina he ʻehā mau manawa, a ua hoihoi nui ka makakina ʻo The New Yorker iā “White Lotus” ma ʻekolu mau ʻatikala mahalo nui me ke kapa ʻana aku i ua pūkaʻina nei “ʻo ia kekahi o ka ʻoi o nā hōʻike ma kēia makahiki.”
Ua ʻōlelo ke komikina kiʻiʻoniʻoni ʻo Tracy Bennett, he hoka nō ka hoihoi o ke kamaʻāina; ʻaʻole i pane iki kekahi o nā hui kūkala nūhou ma Honolulu i kāna kono ʻana mai i ka pāʻina hoʻopuka mua ma ka lā 5 o Iulai.
“Ua minamina kēia i ko Ჹɲʻ hui kūkala nūhou hoihoi ʻole. Maliʻa paha, ʻaʻohe hoihoi o laila no ka mea, aia ka pāʻina ma kahi hopena pule lānui ma ka wā maʻi ahulau. Ua lana ka manaʻo, e ulu aʻe ana nō ka hoihoi o ke kamaʻāina,” wahi a Bennett.
ʻO kaʻu pahuhopu ma kēia kolamu, ʻo ia ka hōʻike ʻana i nā kumu o koʻu mahalo ʻana iā “The White Lotus,” ʻaʻole nō ia ka huʻe ʻana i nā mea huna ma ka moʻolelo.
ʻAkahi, ʻo ke kumu nui e nānā ʻia ai ʻo “The White Lotus,” ʻo ia kona hōʻike ʻana iā Ჹɲʻ ma ke ʻano he hāmeʻe nui ma kahi o ka hoʻohana ʻia o ua wahi nei me he kāʻei kua, e laʻa ko “Ჹɲʻ Five-0” a me “Magnum P.I.” — ʻo nā hōʻike ʻelua e nānā wale pū ana i nā mākaʻi a me nā hoa e holo i ʻō a i ʻaneʻi ma Oʻahu i kēlā me kēia pule e hana a loaʻa ka haʻina no kahi hihia hoʻomake, ma kahi o ka hoʻoponopono ʻana i nā mea e holo maoli nei ma ʻaneʻi nei.
ʻAlua, hoʻokāhāhā ʻo “The White Lotus” i nā anaina kamaʻāina i kāna mau mele a me nā kani, ʻo ia hoʻi ka hoʻohui pū ʻana i ke kani haʻalulu a ka puluka a me nā pahu me nā kani manu ʻōiwi i like me kā Martin Denny, a me nā mele Ჹɲʻ mai ke kenekulia 19 me ka hoʻokani pila ʻole, a me nā mele i aloha nui ʻia e nā hālau hula, e laʻa ʻo “Nani Wale Līhuʻe.”
ʻO nā mele papa hīmeni ma ka pūkaʻina, no ka pāleo ʻo “Nā Mele Ჹɲʻ: A Rediscovery of Hawaiian Vocal Music” ua mau mele nei na .
He nui nā mele na The Rose Ensemble ma “The White Lotus,” e laʻa ka mana papa hīmeni no “Aloha ʻOe” a me “Ჹɲʻ Aloha,” a he mea kamaʻāina a hoʻonanea nō ia i nā anaina kamaʻāina, ʻaʻole nō ia ka mea kaulana me ke kī hōʻalu i lohe mau ʻia ma nā keʻena kauka niho a me nā kiʻiʻoniʻoni ʻē aʻe e pili ana iā Ჹɲʻ.
Ma kahi pāpāʻōlelo leka uila, ua ʻōlelo ka mea hoʻokumu a me ke alakaʻi pāheona ʻo Jordan Sramek, ua koho ʻia ʻo The Rose Ensemble e hoʻokomo i ka hōʻike ma hope o ka hoʻolohe ʻana a ka hui pāheona i kā lākou pāleo CD. Aia kekahi o kā lākou mele ma kekahi pukana na “Ჹɲʻ Five-0.”
Ua ʻōlelo ʻo Sramek, ʻo ka ʻoki mele ʻana ma ka makahiki 2008, he māhele nō ia o kā The Rose Ensemble “kūlia ʻana e huʻe i nā makamake moʻomeheu nui” ma ke ao mele ma o nā kenekulia he nui ma nā ʻōlelo he 25, e laʻa ka ʻōlelo Ჹɲʻ.
Wahi a Sramek, ua hoʻopuka ka hui mele i ua pāleo CD ma hope o ka noiʻi ʻana he ʻelua makahiki a me ka huakaʻi ʻana i Ჹɲʻ he ʻekolu mau manawa e hui pū me nā loea moʻemeheu kamaʻāina, e laʻa ka hana pū ʻana me kahi kanaka noiʻi mele ʻo Amy Kuʻuleialoha Stillman, a he hope polopeka ʻo ia ma ke kulanui ʻo University of Michigan.
Mai kinohi mai, ua mōakāka nō ke kū ʻokoʻa ʻana o “The White Lotus” i ka holo ʻana o nā pailaha wehe ma mua o kahi pepa paia hiʻonapāʻili i kāhiko ʻia me nā kiʻi o kahi keko me ka pua aloalo ma hope o kona pepeiao, kahi kika e hiamoe ana ma luna o kahi lau hokuloa nui loa, a ma kahi lau niu e ʻōkuʻu ana kahi ʻapapane, ʻo ia hoʻi ka manu mūkīkī ʻane halapohe.
Me ka wānana pōʻino ʻana, hoʻomau ka pailaha me ka hōʻike ʻana i nā kiʻi o nā hua e milu ana, ʻo nā hoe waʻa ʻekolu ma ka waʻa e pihō ana, a me kekahi nāhesa e ʻōwili ana no ka nahu ʻana…he mau hōʻailona no ka moʻolelo ʻino e hiki mai ana.
Ua kākau a hoʻopaʻa wikiō ʻia ka pūkaʻina me ka wikiwiki uila ma lalo o nā kānāwai maʻi ahulau ma ka hōkele ʻo Four Seasons Resort Maui ma hope o kā HBO pāpāʻōlelo ʻana me White ma ke kinohi o ʻAukake ma ka makahiki 2020. Ua kākau ʻo White i ka hapanui o ke kaʻina moʻolelo hana keaka ma hope o kona hōʻea ʻana mai i ka hōkele ma Kepakemapa, a laila, ua hoʻomākaukau ʻo ia i ka hōʻike, ua hōʻākoakoa ʻia akula ka hui kanaka hana keaka, a ua mākaukau ʻo ia e hoʻomaka i ka hoʻopaʻa wikiō ʻana ma ka hopena o ʻOkakopa; ua pau ka hoʻopaʻa wikiō ʻana ma ka hopena o ka makahiki.
“He kupanaha nō ia. Nui ka hopohopo,” i ʻōlelo aku ai ke komikina kiʻiʻoniʻoni Ჹɲʻ ʻo Donne Dawson.
Ua kaulana loa ʻo White iā “Year of the Dog,” “School of Rock” a me kā HBO pūkaʻina ʻo “Enlightened” me Laura Dern, a ua hoʻopaʻa wikiō ʻia kekahi māhele o uā pūkaʻina nei ma ܲʻ. Ua kūʻai akula ʻo White i home ma Hanalei.
Hoʻomaka ko White moʻolelo ma Ჹɲʻ i kona wā ʻōpiopio ma San Diego a me ko kona mau mākua lawe ʻana mai iā ia nei i nei paeʻāina no ka wā hoʻomaha. ʻO kona makuakane, he kahuna pule ʻo ia, a he mau hoa kona mai kona wā e haumāna kahuna ana ma Ჹɲʻ nei.
Ma , ua ʻōlelo ʻo ia, ʻo kona mau huakaʻi ʻana i Ჹɲʻ, ʻo ia kāna manawa mua e launa ai i kahi wahi ma waho o kona home, i kahi moʻomeheu ma waho o kona ponoʻī, a mai laila aku ʻo ia e hoʻāʻo ai e aʻo mai i ko Ჹɲʻ moʻolelo a me ka moʻomeheu.
Ua noho ʻokoʻa ʻia ka hōkele Maui holoʻokoʻa e ka hui kiʻiʻoniʻoni ma loko o ka hoʻopaʻa wikiō ʻana iā “The White Lotus,” ʻo ia kahi me nā lumi kūlana kiʻekiʻe i kāki ʻia ai he $17,000 i kēlā me kēia pō — ʻo nā lumi kūlana haʻahaʻa loa e alo ana i ka hope o ka hōkele, kāki ʻia he $1,500 i kēlā me kēia pō.
He makepono nui kēlā no ka hōkele, ʻoiai ua pani ʻia nā ʻīpuka ma kēlā manawa. Ua hai hou ʻia nā limahana e mālama ʻia aku ai nā kānaka hana keaka a me nā limahana kiʻiʻoniʻoni.
Me ka hōʻihi ʻana i nā kaʻina hana ʻoʻoleʻa no ka wā maʻi ahulau, ua hōʻike ʻia nā kānaka no ka maʻi Covida-19 i ʻekolu mau manawa i kēlā me kēia pule, a ua komo lākou i nā pale waha koe nā manawa e hoʻopaʻa ʻia ai ka wikiō. Ua pāpā ʻia ko lākou hele loa ʻana ma waho o ka hōkele, a aia nō nā kiaʻi ma waho pono o ka hōkele e hoʻokō i ka noho paʻa ʻana ma ka hōkele.
Ua ʻōlelo ʻo Loretta Ables Sayre, ʻo ia kahi puʻukani no Honolulu e hana keaka ana i kahi wahine lawelawe hōkele ma “The White Lotus,” “he hoihoi a he leʻaleʻa” kona noho ʻana he mahina ma ka Four Seasons, akā ʻaʻole nō ia i like me kai kuhi ʻia e haʻi ma kahi hōkele i loaʻa ʻelima hōkū.
Ua ʻōlelo ʻo Sayre, ua kiʻi akula lākou i kā lākou ʻaina kakahiaka a a me ka ʻaina awakea i nā pahu panua i hāʻawi ʻia ma ka wahi inu lama, a ua lawe akula ʻo ia i kāna mea ʻai i kona lumi kūʻonoʻono no ka ʻai ʻana, no ka mea, he ʻuʻuku ka loaʻa o nā pākaukau me ka hiki ʻana ke noho mamao loa.
No ka ʻaina ahiahi, ua waiho ʻia ka hapanui o ka hui hana keaka no ko lākou pono iho. Ua ʻōlelo ʻo ia, ua ʻai pinepine ʻo ia i nā “mea ʻai no ke ʻalo makani pāhili,” e laʻa ke kaimine i ʻope ʻia a me ka ipu hao wai wela ma kona lumi. ʻAʻohe ʻomawawe o laila.
“ʻO ka mea maikaʻi ʻole, ʻo ia ka meaʻai. ʻO ka mea maikaʻi, ʻo ia ka hoʻēmi kino he 10 paona,” wahi āna.
ʻO Sayre, he hoʻopuka ʻo ia mai ke kula kiʻekiʻe ʻo Radford, ua waiho inoa ʻia ʻo ia no kahi Tony Award no kona hoʻopuka ʻana ma ka makahiki 2007 me ka hana keaka ʻia ʻana o Bloody Mary no kekahi hōʻike hana keaka ʻo “South Pacific” ma Broadway, a ua hana keaka ʻo ia i mau pūkaʻina kīwī.
Ua ʻōlelo ʻo Sayre, ua ʻōʻili a haʻalele koke ka wahine lawelawe āna i hana keaka ai ma “The White Lotus” ma ke kīwī no kekahi mau kekona, a hoʻokahi wale nō āna ʻōlelo i hoʻokomo ʻia ma ka pūkaʻina, akā nui kona mahalo i kona hana pū ʻana me nā kānaka kaulana e laʻa ʻo Molly Shannon, a me kona uku ʻia ʻana ma loko o ka wā maʻi ahulau a me ka pani ʻia ʻana o nā ʻīpuka ma nā wahi like ʻole.
ʻO Sayre, ʻo ia kai hīmeni ma ke ʻano he puʻukani jazz ma nā hōkele kūʻonoʻono ma Honolulu no nā makahiki he 30 a ʻoi, ʻōlelo ʻo ia, ua pololei kā White hōʻike ʻana i ka hopena a nā limahana hōkele he nui.
“Kuʻupau lākou i ko lākou mau ola e lawe ʻia mai ai ka ʻoluʻolu i nā malihini, a ʻaʻole hiki i nā limahana ke nanea i ua ʻoluʻolu nei iā lākou iho,” wahi āna.
Ua hewa ʻo White i hoʻokahi ʻōlelo ma ka hopena o ka pūkaʻina, iā Fred Hechinger e hana keaka ana i ka hāmeʻe ʻo Quinn, ʻo ia ke keikikāne ʻōpiopio a ka ʻohana waiwai ʻo Mossbacher, i ka ulu ʻana aʻe o kona hoihoi i ka hoʻokele waʻa Ჹɲʻ ʻana a koho ʻo ia e hoʻi ʻole i kona home me kona ʻohana. ʻŌlelo ʻo ia, ua kono ʻia ʻo ia e eʻe ma “kekahi” Hōkūleʻa ma kahi o “ka” Hōkūleʻa.
ʻO kekahi komikina kiʻiʻoniʻoni Ჹɲʻ ʻo Dawson, he Kanaka Maoli ʻo ia, a ua ʻōlelo ʻo ia, ua makemake ʻo ia iā White e noi aku i ke kūpono a me ke kūpono ʻole i ke kuhi ʻana i ka waʻa hoʻokele kaulana, i loko nō o ka hala ʻana o kēia hemahema i ka pepeiao o nā anaina ʻAmelika.
Ua hoʻomau hou ʻia ka pūkaʻina no kahi kau hou me kekahi pūʻulu kanaka hana keaka ʻē aʻe e hana keaka ana i pūʻulu hāmeʻe hou ma kekahi hōkele ʻē aʻe na ka White Lotus ʻoihana hōkele.
Aloha ʻino. He hoihoi koʻu e aʻo mai e pili ana iā Quinn a me kona hiki ʻana ke hoʻopakele iā ia iho mai kona mau mākua hūpō a aloha nui a me kekahi o nā hāmeʻe pilikia me ko lākou mau ola e pahū aʻe ma hope o ko lākou haʻalele ʻana iā Ჹɲʻ.
